Tus Xwm Kab:
Tus xwm kab yog teev los pov yus tsev neeg kom txhob muaj mob muaj nkeeg, txhob pub dab qus los hauv yus tsev, txhob tso yus tsev neeg tej ntsuj plig mus tawm rooj tsam raug mob raug nkeeg thiab pov hwm yus tej nyiaj txiag kom yus khwv nyiaj los tau. Khwv tau nyiaj los kom tsis txhob muaj chaw siv tawm. Li no peb thiaj teev rau thaum txhua txhua lub xyoo tshiab.
Npaj Tus Xwm Kab
- Muab ib daim ntawv nyiaj txiav kom dav li ntawm 12 x 10 inch
- Txiav ib co ntawv nyiaj los tais peb lub yaj khaum. Muab ib lub lo cug rau ntawm daim ntawv xwm kab ko taws (hauv qab). Muab ib lub lo rau sab lauj ib lub lo sab xis tig rov rau hauv plawv.
- Muab ib lub rooj los teeb thaj fij xwm kab
- Yuav ib tus lau qaib qua qaws, yog muaj mas siv tus lau qaib liab xwb zoo dua.Yog tsis muaj siv xim twg los tau.
- Muab ntawv nyiaj los txiav ib tshua ntawv.
- Muab cuaj tswm xyab.
- Txiav cuaj daim xav txheej.
- Muab ib fwj cawv (npias los tau)
- Muab peb lub khob los teev dej rau saum thaj.
Fij Zaum Ib
Si lau xwm kab txiaj pem xeeb, xyoo laus tag xyoo tshiab tuaj. Kuv muaj ib tug lau qaib qua qaws, muaj ib fwm tshaj txheej, muaj cuaj tswm xyab, muaj cuaj daim xav txheej, muaj ib fwj cawv, peb pib cawv los teev los tiam koj rau saum thaj nyiaj thaj kub. Koj los lees qaib lees noog, nyiaj txiag xyab ntawv. Kuv teev tiam koj los pov niam pov txiv, pov tub pov kiv, pov nyiaj pov kub, pov tsiaj pov txhuv, pov qoob pov loo los rau hauv vaj hauv tsev. Kuv tu tub tu kis kom zoo nkauj zoo nraug, kom tub kis los puv vaj puv tsev, tu tsiaj tu txhuv kom los puv nkuaj, ua qoob ua loo kom los puv txhab. Poj niam me nyuam mus qhov twg kom mus dawb mus huv, nyuj nees qaib npua mus qhov twg kom mus dawb mus zoo. Xwm kab txiaj pem xeeb koj pov los rau hauv vaj hauv tsev, los rau kuv nawb. Tag li no.
Muab tus kuam ntaus yog ob sab qhib nws zoo siab lawm, yog ib sab qhib ib sab qos nws lees lawm, yog ob sab qos nws pov lawm. *Ntaus ib kuam xwb ces nws yuav ntxeev li cas los xij*.
Muab tus qaib coj mus tua, dob peb tau plaub caj dab mus lo rau daim ntawv Xwm Kab tag ces coj tus qaib mus vom kom siav siav mam coj los fij zaum ob.
Muab tus qaib coj mus tua, dob peb tau plaub caj dab mus lo rau daim ntawv Xwm Kab tag ces coj tus qaib mus vom kom siav siav mam coj los fij zaum ob.
Fij Zaum Ob
Muab ib rab diav, ib qho mov, ib qho kua nqaij los fij raws li nram no:
Si lau xwm kab txiaj pem xeeb, xyoo laus tag xyoo tshiab tuaj. Kuv muaj ib tug lau qaib qua qaws, muaj ib fwm tsham txeej, muaj cuaj tswm xyab, muaj cuaj daim xav txheej, muaj ib fwj cawv, peb pib los teev los tiam koj rau saum thaj nyiaj thaj kub. Ua nqaij ua hno siav fij rau koj tau noj tau haus, koj los nyob rau thaj nyiaj thaj kub. Los pov niam pov txiv, pov tub pov kiv, pov nyiaj pov kub, pov tsiaj pov txhuv, pov qoob pov loo rov los rau hauv vaj hauv tsev. Poj niam me nyuam mus qhov twg kom mus dawb mus huv, nyuj nees qaib npua mus qhov twg kom mus dawb mus zoo. Xwm Kab txiaj pem xeeb, koj pov los rau hauv vaj hauv tsev, kuv tu tub tu kis kom zoo nkauj zoo nraug, tu tub kom puv vaj, tu kiv kom puv tsev, tu tsiaj tu txhuv kom puv nkuaj, ua qoob ua loo kom puv txhab, ntuj qhib tshiab plaws kom mab suav xa nyiaj xa kub tuaj, Hmoob tuaj kom xa tub xa kiv tuaj rau kuv nawb. Kuv lam khwv kom lam tau, kuv lam ua kom lam zoo, ua me kom tau ntau, ua ntau kom noj tsis tag tau mus ntiav dag, ua me kom noj tsis txog tau coj mus ntiav zog nawb.
Si lau xwm kab txiaj pem xeeb, xyoo laus tag xyoo tshiab tuaj. Kuv muaj ib tug lau qaib qua qaws, muaj ib fwm tsham txeej, muaj cuaj tswm xyab, muaj cuaj daim xav txheej, muaj ib fwj cawv, peb pib los teev los tiam koj rau saum thaj nyiaj thaj kub. Ua nqaij ua hno siav fij rau koj tau noj tau haus, koj los nyob rau thaj nyiaj thaj kub. Los pov niam pov txiv, pov tub pov kiv, pov nyiaj pov kub, pov tsiaj pov txhuv, pov qoob pov loo rov los rau hauv vaj hauv tsev. Poj niam me nyuam mus qhov twg kom mus dawb mus huv, nyuj nees qaib npua mus qhov twg kom mus dawb mus zoo. Xwm Kab txiaj pem xeeb, koj pov los rau hauv vaj hauv tsev, kuv tu tub tu kis kom zoo nkauj zoo nraug, tu tub kom puv vaj, tu kiv kom puv tsev, tu tsiaj tu txhuv kom puv nkuaj, ua qoob ua loo kom puv txhab, ntuj qhib tshiab plaws kom mab suav xa nyiaj xa kub tuaj, Hmoob tuaj kom xa tub xa kiv tuaj rau kuv nawb. Kuv lam khwv kom lam tau, kuv lam ua kom lam zoo, ua me kom tau ntau, ua ntau kom noj tsis tag tau mus ntiav dag, ua me kom noj tsis txog tau coj mus ntiav zog nawb.
Thaum Fij Tag Zaum Ob:
1. Tseg tus qaib nws nyob nws rau ntawm lub thaj.
2. Muab ntshua ntawv los hlawv rau. Koj hais tias: Xwm Kab Txiaj Pem Xeeb, los lees nyiaj lees txiaj,
lees xyab lees ntawv. Yuas los pov fwm niam pov fwm txiv, pov fwm tub pov fwm kiv ……… zoo li
cov lus saum toj no thiab xwb.
Yog tsiab peb caug no cia peb hnub peb hmos mam tshem lub thaj thiab mam muab tus qaib los faib rau tej me nyuam noj.
2. Muab ntshua ntawv los hlawv rau. Koj hais tias: Xwm Kab Txiaj Pem Xeeb, los lees nyiaj lees txiaj,
lees xyab lees ntawv. Yuas los pov fwm niam pov fwm txiv, pov fwm tub pov fwm kiv ……… zoo li
cov lus saum toj no thiab xwb.
Yog tsiab peb caug no cia peb hnub peb hmos mam tshem lub thaj thiab mam muab tus qaib los faib rau tej me nyuam noj.
Tus Xwm Kab ces tsuas ua li no xwb. Yog nej leej twg ho muaj tswv yim thiab ho mus kawm tau ntawm lwm tus los fij los kuj zoo. Tus Xwm Kab mas tsis zoo li lwm yam dab qhuas es yuav tau ua raws li yus caj ces xwb. Nws fij li cas los tau thiab leej twg tuaj fij rau koj los tau.
Tus Xwm Kab no yog txi thaum tsiab peb caug, yus pauv vaj pauv tsev, los yog ib txwm tub yuav nyab twg tawm tsev nws mus nyob nws lawm es nws ua nws tus Xwm Kab. Thaum zoo li no lawm yus tsis thas tos txog peb caug li yus muaj cai fij tau tshiab.
Tus Xwm Kab no yog txi thaum tsiab peb caug, yus pauv vaj pauv tsev, los yog ib txwm tub yuav nyab twg tawm tsev nws mus nyob nws lawm es nws ua nws tus Xwm Kab. Thaum zoo li no lawm yus tsis thas tos txog peb caug li yus muaj cai fij tau tshiab.
