Cov Coj Dad Qhuas Thiab Coj Noj Coj Ua Yav Tag Los Thiab Niaj Hnub No
|
Tooj Yias YajTooj Yia Yaj yug xyoo 1906. Txiv yog Neej Kaim Yaj, niam yog Chav Xyooj. Nws muaj 6 leej kwv tij 4 tug muam, Nws muaj 2 tug poj niam tus ib yog Ntxhais Xyooj, tus ob yog Rhia Vaj thiab muaj 7 leej tub 4 leej ntxhais. Yug nyob lub zos Fib Nyuv roob tshav ntuj, Teb Chaws Nyab Laj.
Xyoo 1952 – 1958 tau ua tswv zos nyob rau lub zos Lav Khais. Xyoo 1958 - 1967 Tooj Yia tau ua Phub Toom rau hauv Toj Xeem Thas Thaub, Xeev Xias Khuam, Teb Chaws los Tsuas. Nws yog tus tuav kev cai dab qhua ntawm tsev kwv tij los tau ntau lub xyoo. Txog rau xyoo 1989 nws tau muab tso rau nws tus tub Txiaj Lwm tuav los txog niaj hnub niam no. |
Tooj Yia yog ib tug neeg siab loj siab dav, hlub kwv tij neej tsa, muaj phooj ywg thiab ua laj kam pab lub teb chaws. Tsis tag li ntawm tseem yog ib tug tuav kev cai dab qhua thiab cob qhia hais tias kom tsoom kwv tij sawv daws yuav tau sib hlub koom tes los coj dab qhuas kom yog raws li poj koob yawm txwv tau coj los kom cov me tub me nyuam sawv daws thiaj li nyob huam vam huaj txhaij, ciaj nom ciaj tswv, tau lub neej zoo mus lawm yav pem suab.
|
Txhiaj Kaus Yaj
Txhiaj Kaus Yaj yug rau hnub tim 15 lub 06 hli xyoo 1915 nyob rau lub zos Koos Yoos, Xeev Xias Khuam, Teb Chaws Los Tsuas. Txhiaj Kaus niam thiab txiv hu ua Vam Kaub Yaj. Nws muaj 4 tug kwv tij, muaj 3 tug poj niam, muaj 3 tug tub thiab 3 tug ntxhais.
Xyoo 1934 -1942 Txhiaj Kaus tau los ua ib tug Tswv Zos nyob rau lub zoo Sis Nyos. Xyoo 1942-1960 nws raug nom tswv tsa los ua tub rog rau Fab Kis nyob rau lub zos Xam Luam (Noom Hej). Xyoo 1960 nws tau mus ua ib tug thawj tub rog (Nais Koos Laib) rau hnub qub 4 Vaj Pov, nws nrog tiv thaiv Nyab Laj qaum teb. Nrog rau lub sij hawm ntawv nws tau mus tos ntau pab kwv tij los sib sau ua ke. Xyoo 1964 – 1975 nws tau los ua Toj Xeem Thab Cauv, Moos Vias Fab, Xeev Xias Khuam, Teb chaws Los Tsuas. |
Txhiaj Kaus tau tag sim neej rau hnub tim 10 lub 7 hli Xyoo 2003 nyob rau lub nroog Saint Paul, Minnesota, USA.
Thaum Txhiaj Kaus ua neej nyob, nws yog ib tug zoo thawj coj, siab dav, hlub kwv tij neej tsa, muaj phooj ywg coob thiab nyiam pab lub teb chaws. Nws ib txwm qhuab ntuas sawv daws hais tias: ua neej nyob kom sawv daws txawj sib to taub, txawj sib yoog, thiab kom sawv daws txawj sib zam txim.
Thaum Txhiaj Kaus ua neej nyob, nws yog ib tug zoo thawj coj, siab dav, hlub kwv tij neej tsa, muaj phooj ywg coob thiab nyiam pab lub teb chaws. Nws ib txwm qhuab ntuas sawv daws hais tias: ua neej nyob kom sawv daws txawj sib to taub, txawj sib yoog, thiab kom sawv daws txawj sib zam txim.
|
Xaiv Tshob Ya
Xaiv Tshob Yaj yug rau hnub tim 15 lub 6 hli xyoo 1920. Txiv yog Neej Kaim Yaj, niam yog Chav Xyooj. Nws muaj 6 leej kwv tij 4 tug muam. Nws poj niam hu Ci Lauj. Nkawv muaj 2 leej tub 2 leeg ntxhais. Xaiv Tshob yug nyob lub zos Fib Nyuv roob tshav ntuj, teb chaws Nyab Laj.
Xyoo 1966 – 1972 tau ua tus tswv zos rau lub zos Dej Liab, toj xeem Thaj Luj, Moos Vas Xais, Xeev Xias Khuam, teb chaws Los Tsuas. Xyoo 1972 – 1975 tau txais lub meej mom mus ua Phub Toom rau toj xeem Thaj Luj. Thaum Xaiv Tshob Yaj ua neej nyob nws yog ib tug thawj coj uas txawj hlub tsoom kwv tij nrog rau cov kwv tij neej tsa txhua leej txhua tus. Tsis tag li ntawd tseem yog ib tug neeg txawj txog kab lis kev cai hmoob, txawj qeej, ua neeb ua yaig thiab kab tshoob kev kos. Xaiv Tshob Yaj tau tag sim neej rau hnub tim 20 lub 2 hli ntuj xyoo 2000 nyob rau lub nroog Saint Paul, Minnesota, USA. |
|
Paj Xwm Yaj
Paj XwmYaj muaj 4 tug kwv tij 3 tug muam nws niam thiab Txiv yog Vam Xeeb. Nws raug xaiv tsa los ua ib tug tswv zos rau lub zos Haib Oom, xeev Xias Khuam. Nws paub peb hmoob kev lis kev cai zoo xws li Zaj Tshoob, Txiv Xaiv, Neeb Yaig. Nws yog ib tug siab loj, siab dav, thiab yog ib tug zoo coj noj coj ua ntawm peb tsev neeg. Paj Xwm tau tags Sim neej rau Australia teb chaws. Nws tau tag sim neej rau xyoo 2002
|
|
Vam Thoj Yaj
Vam Thoj Yaj yug hnub tim 3 lub 9 hli xyoo 1942 nyob lub zos Sis Nyos nroog Via Fab, Xeev Xias Khuam. Vam Thoj muaj 3 tug kwv tij 1 tug muam, muaj ob tug poj niam, 1 ib tug tub thiab 2 tug txhias. Vam Thoj yog ib tug tub rog pab lub teb chaws Nplog los tau ntau lub xyoo. Nws tau txais lub xab hnub qub 3 ( Kav Pis Tias ) nyob teb chaws Los tsuas. Tsis tag li ntawv, nws tseem yog ib tug zoo thawj coj ntawm nws tsoom kwv tij suav daws txij li thaum tau tawm lub teb chaws Los Tsuas tuaj rau teb chaws Asmeslivkas tau muaj li ntawm 30 xyoo. Vam Thoj Yaj yog ib tug neeg siab loj siab dav hlub tej tub ntsoj ntxhais ntsuag thiab kwv tij sawv daws nyob rau lub nroog St. Paul, Minnesota USA.
|
|
Nyiaj Huas Yaj
Nyiaj Huas Yaj yug lub zos Thab Taj rau hnub tim 1 lub 1 hlis xyoo 1921. Niam thiab txiv yug Txooj Tsab Yaj. Nws muaj 4 tug kwv tij thiab 4 tug muam. Muaj ob tug poj niam thiab muaj 9 leej tub 6 leej ntxhais. Nyiaj Huas tau los ua ib tug tub rog pab lub teb lub chaw ntau xyoo txog rau thaum lub teb chaws tawg. Nws tau qib yog hnub qaub 3 (kav pus tias) nyob teb chaws Los Tsuas.
Nyiaj huas yog ib tug neeg siab loj siab zoo ua twb zoo coj tsoom kwv tij sawv daws los txog rau hnub lub teb chaws tawg. Nyiaj Huas tau tag sim neej hnub tim18 lub 10 Xyoo 1997 nyob rau lub nroog Green Bay, Wisconsin USA. |
|
Txiaj Lwm Yaj
Txiaj Lwm Yaj yug rau hnub tim 12 lub 4 hlis xyoo 1944. Yug nyob rau lub zos Thab Taj, Xeev Xias Khuam, teb chaws Los Tsuas. Niam thiab txiv yog Tooj Yias Yaj thiab Ntxhais Xyooj. Nws muaj 7 leej kwv tij 4 tug muam. Muaj ib tug poj niam hu ua Mos Lis. Nkawv yug tau 3 tug tub 1 tug ntxhais.
Xyoo 1972 - 1975 tau ua tus tswv zos rau lub zos Dej Liab, toj xeem Thaj Luj, Moos Vas Xais, Xeev Xias Khuam, teb chaws Los Tsuas. Lub sim hawm ntawv kuv txiv kuj laus zuj zus lawm nws kuj tau tso kev coj noj coj ua, kab tshoob kev kos, thiab kev cai dab qhua rau kuv tuav los txog niaj hnub no. Txhiaj lwm yog ib tug thawj coj zoo, siab loj siab dav, pab ib tsoom kwv tij neej tsa, nrhiav kev vam meej, kev sib haum xeeb rau tsoom kwv tij txhua leej txhua tus. Txiaj Lwm paub zoo txog zaj tshoob, txiv xaiv, ua neb yaig, nrog rau fab tu plaub ntug ntawm kwv tij neej tsa uas tsis sib haum xeeb. |
Txiaj Lwm yog tus los tshawb nrhiav cov kab ke dab qhuas thiab cov caj hlab ceg ncau no los teeb tseg cia rau ib tsoom kwv tij, tub kis thiab xeeb leej xeeb ntxwv tuaj tom qab tau siv thiab saib ua dab ua qhuas mus lawm yav pem suab. Txiaj Lwm daim duab no yog thaij thaum nws muaj 62 xyoo nyob rau lub nroog Saint Paul, Xeev Minnesota, USA hnub tim 18 lub 11 hlis xyoo 2005. Tom ntej no mus kuv txawm laus lawm los kom tej tub tej kiv xeeb leej xeeb txwv tau khaws coj mus ua lub neej los yog ua ib tug qauv zoo hais tias thaum kuv tseem coj ib tsoom kwv tij kuv coj li cas. Kom tej me nyuam ho paub tej laus txuj thiaj tau txoj kev kaj siab mus tag ib txhis.
|
Chaleun Txoos Npliam YajChaleunTxoos Npliam yug rau hnub tim 28 lub 3 hlis xyoo 1968 nyob rau lub zos Nab Yees, Xeev Xias Khuam, teb chaws Los Tsuas. ChaleunTxoos Npliam muaj 2 tug poj niam, niam loj hu ua Ntsuab Lis, niam yau hu ua Ntxhoo Muas. Lawv muaj 3 leeg tub 2 leeg ntxhais. Txiv yog Txiaj Lwj Yaj niam yog Mos Lis. Nws muaj 3 kwv tij thiab 1 tug muam.
Xyoo 1977 - 1986 tau kawm tiav ntawv Nplog thiab ntawv Thaib nyob rau lub yeej thoj nam tawg rog Vib Nais, Pakchom, Loei, Thai Land. Xyoo 1986 -1989 tau kawm tiav kev qhia kawm ua xib fwb, nrog rau tib lub caij nyoog ntawd tseem yog xib fwb qhia ntawv Nplog rau tsoom tub ntxhais kawm ntawv qib ib txog rau qib peb thiab tseem cob qhia ntaus ntawv Asmeslivkas thiab ntawv Nplog (Typing Course) rau ib tsoom neeg tawg rog los nyob rau lub yeej thoj nam VibNais. Xyoo1989-1994 tau kawm tiav qib siab Computer Operator thiab Clerical Data Entry nyob rau lub tsev kawm ntawv St.Paul Technical College nroog Saint Paul, Minnesota USA. ChaleunTxoos Npliam yog ib tug neeg lub laj lim tswv yim zoo, muaj lub siab loj, siab zoo, tsis khuv xim dag zog, thiab pab tsoom kwv tij neej tsa, cob qhia txhua leej txhua tus kom xyaum ua tus qauv zoo thiab pab daws luag li lwm tus tej teeb meem khuam siab kev tsis sib haum xeeb hauv lub neej. Tsis tag li ntawm xwb, tseem yog ib tug paub zoo txog fab kab tshoob kev kos, kev cai dab qhua thiab zaj tshoob, txiv xaiv. Chaleun Txoos Npliam tseem yog tus pab tsim kho thiab sau phau ntawv no tawm rau tsoom kwv tij sawv daws tau siv thiab kom suav daws los lim xeeb khaws cov kev cai dab qhua no coj mus kawm thiab cob qhia ib tsoom kwv tij kom paub txog tej laus kev coj thiab caj hlab ceg ncau. |
|
Txawj Pov Yaj – Nchaiv SuavTxawj Pov yug rau hnub tim 3 lub 2 hli xyoo 1962 nyob rau lub zos Phwv Qhaub, Toj Xeem Thab Cauv, Xeev Xias Khuam, Teb Chaws Los Tsuas. Txawj Pov muaj 9 leeg kwv tij, 5 leeg muam. Poj niam hu ua Mim Vaj, muaj 4 tug tub, 2 tug ntxhai. Txawj Pov yog ib tug uas paub zoo txog hmoob kab lis kev cai, txawj qeej, txawj ua neeb yaig thiab kev cai dab qhuas ntawm peb tsev neeg.
|
|
Nkias Saub Yaj – Nyiaj Kab
Nkias Saub Yaj yug rau tim 17 lub 12 hli xyoo 1965 nyob rau lub zoo Naj Cab, Toj Xeem Pham Poom, Moos Vas Xais, Xeev Xias Khuam, Teb Chaws Los Tsuas. Poj niam hu ua Paj Nyiag Xyooj, yug rau hnub tim 12 lub 6 hli xyoo 1964. Nkawv muaj 3 tug tub 4 tug ntxhais. Txiv hu Nyiaj kab niam hu Maiv Thoj. Nkias Saub muaj 3 tug kwv tij thiab 3 tug muam.
Nkias Saub yog ib tug nyiam kawm ntaub ntawv thiab Hmoob li kev cai dab qhua. Nkias Saub ntseeg hais tias kev kawm ntaub kawm ntawv yog kev kawm txawj kawm ntse, kev ua lag ua luam yog kev muaj nyiag nplua nuj, kev ua laj ua kam thiab ua liaj ua teb yog kev khwv noj khwv haus coj los yug rau tsev neeg. |
Nkias Saub tseem tab tom kawm ntawv qib siab nyob rau lub tsev kawm ntawm Century College, White Bear Lake, Minnisota, USA.
Nkias Saub tseem yog ib tug pab kho phau ntawv no thiab pab txog cov kev cai dab qhua.
Nkias Saub tseem yog ib tug pab kho phau ntawv no thiab pab txog cov kev cai dab qhua.
|
Ntxoov Vwj Yaj– Xaiv TshobNtxoov Vwj Yaj yug rau hnub tim15 lub 6 hli ntuj xyoo 1945 nyob rau lub zos Fib Kuab, teb chaws Nyab Laj. Ntxoov Vwj muaj ob tub poj niam, niam loj yog Ntxawm Vaj, niam yau yog Xia Lis. Lawv muaj 8 leej tub 3 leej ntxhais. Txiv yug yog Xaiv tshobYaj thiab Cib Lauj. Nws muaj 2 tug kwv tij thiab 2 tug muam.
Ntxoov Vwj tau pab ua phau ntawv kev cai dab qhua no rau peb cov kwv tij ttau siv raws li thaum ub ib txwm coj noj coj ua los txog rau tam sim no. Phau ntawv no yuav ua rau peb cov kwv tij sawv daws los sib nrhiav kwv tij tau yooj yim raws li nram qab no. |
- Peb txhob tso kev cai dab qhuas tseg tom ntej mus peb hmoob yaj 7 txim thiaj tsis poob, kom cov xeeb leej xeeb ntxwv thiaj nyob muaj koob.
- Txhob tso peb cov lus hmoob tseg, tom ntej no mus peb cov lus thiaj tseem nyob muaj npe.
- Peb cov ris tsho hmoob yog nej tsis hnav khaws kom zoo rau hauv phav, muaj ib hnub nej yeej yuav muab los hnav.
- Hais rau nej cov kwv tij tus hlob kom hlub tus yau, kom kwv hlub tij, tij hlub kwv, tus muaj hlub tus pluag, tus ntse hlub tus ruam, tus raum yuav tau tawm dag zog los pab tus ntse thiab tus muaj, peb cov kwv tij thiaj sib haum thiab lub neej thiaj ruaj.
Xyoo 1966 – 1975 yog ib tug tub rog xab Laib Thaus rau koos laib 3, koos pha 5 nyob rau lub zos Moos Cab, Xeev Xias Khuam, teb chaws Los Tsuas.
Ntxoov Vwj yog ib tug thawj coj thiab paub txog hmoob kab lis kev cai, kev dab qhua, thiaj txawj coj tsoom kwv tij sawv dawm kom nyob sib haum xeeb.
Ntxoov Vwj yog ib tug thawj coj thiab paub txog hmoob kab lis kev cai, kev dab qhua, thiaj txawj coj tsoom kwv tij sawv dawm kom nyob sib haum xeeb.
|
Vam Kub Yaj – Ntxoov Tswb
Vam kub Yaj yug hnub tim 20 lub 10 xyoo 1964 nyob lub zos Thab Taj, Moos Nyaj, Xeev Xias Khuam teb chaws Los Tsuas. Niam thiab txiv yog Ntxoov Tswb Yaj. Vam Kub yuav poj niam rau hnub tim 15 lub 4 hlis, xyoo 1981. 1985 kawm ntawv tiav University 4 xyoos nyob lub tsev kawm ntawv Univert Dong Dok, Veescas, teb chaws Los Tsuas. Xyoo 1987 kuv kawm tiav political ( kiv xab de kas moos ) qib siab uas political Maek Lani nyob Veescas teb chaws Los Tsuas. Hnub tim 15, lub 7 hlis, 1997 tsoom Tsoom Fwv Asmeslivkas tau tos kuv tuaj nyob rau teb chaw
US. |
|
Soob Leej - Xaiv Suav - Nom Tuam
Soob Leej yug hnub tim 10, lub 11 hlis, xyoo 1959 nyob lub zos
Xam Kiam, Xeev Xias Khuam, Los Tsuas Teb. Tau tsiv tuaj rau Thaib Teb xyoo 1979. Xyoo 1980 lub 4 hlis tau tuaj rau teb chaws USA. Tau pib ua hauj lwm txhais lus thiab qhia ntawv Hmoob pab tsoom Hmoob nyob Chicago thiab los txog rau niaj hnub nim no. Xyoo 1984-85 ua hauj lwm rau koom haum Hmong Colubus, Ohio yog ua tus nrhiav hauj lwm rau neeg ua (Job Developer). Xyoo 1986 ua tswv thiab ua tus thawj ua noj nyob lub tsev ua noj Chee Peng Chinese Restaurant, nyob Crystal, MN. Xyoo 1993 kawm tiav BA. rau fab kev lag luam (Business Administration). Xyoo 1993 – 2008 tau ua hauj lwm li nram qab no: Board rau Frogtown Action Alliance, Yaj Vam Meej USA, Koom Haum Tsiab Peb Caug, United Yang Family Organization thiab US-Lao Trade Council. Yog Chief Excutive Officer (Thawj Tswj ) thiab yog tus tsim tsa tau Southeast Asian Health Services Corporation los tau 14 lub xyoo rau 2008. Xyoo 2008 nws muaj neeg ua hauj lwm tag nrho yog 196 leej. |
Nws yog thawj tug Hmoob uas tsim tsa cov Koom Haum tu cov neeg tsis taus no nyob lub xeev Minnesota thaum xyoo 1995 los. Hais txog kev khwv nyiaj txiag, nws yog ib tug mus deb kawg lawm. Nws ntseeg hais tias yog leej lwg xav muaj nyiag ces nrog luag ua lag luam, xav ua nom tswv ces nrog luag kawm txuj ci thiab xyaum nrog nom tswv.
Peb ua neej nyob, suav daws yuav tau txawj los sib yoog kom dhau, txawj sib zam kom tag, thiab txawj sib to taub kom nyob tau ua ke.
Soob Leej yog tus los pab muab phau ntawv no teeb kom nyob muaj quag, kho ntawv thiab ntxiv duab ua zaum kawg.
Peb ua neej nyob, suav daws yuav tau txawj los sib yoog kom dhau, txawj sib zam kom tag, thiab txawj sib to taub kom nyob tau ua ke.
Soob Leej yog tus los pab muab phau ntawv no teeb kom nyob muaj quag, kho ntawv thiab ntxiv duab ua zaum kawg.
