Kev hu plig xyoos tshiab siv 1 khub qaib tab si yog yus tsev neeg muaj tsawg leej yuav tau haus qe kom txhuas tsev neeg.

_

***Kev hu plig tsiab peb caug***

Npaj Hu Plig:

1. Npaj yuav plaub tus qaib thiab ib co qe. Muab ob tug los hu yus tsev neeg plig. Ib tug cia fij xwm kab. Ib tug cia tua npws laig cov laus. Yog yus tu tau lau qaib sis ces tua kom ntau tus mus hu kwv tij tuaj nrog yus noj hmo thiab.
2. Npaj ib ntig txu, ib cov qe, ib co xyab, thiab ib txwm kaum.
Hu Plig Zaum Ib: Hu Plig Tsiab Peb Caug Hu li Nram no:
Ua hnub no yog hnub dawb, hmo no yog hno huv, hnub no yog hnub zoo, hmo no yog hmo zoo, hnub no yog zaj tso hnub, hmo no yog zaj tso hmo. Kuv hu no kuv tsis hu sab mob sab ntsaj, tsis hu luag ncauj luag nplaig, luag plaub luag ntug, tsis hu luag xaiv luag lus.
Hmo no yog xyoo laus tas xyoo tshiab tuaj, tsiab peb caug hmo ntuj. Kuv hu kuv ib tsev nees nkaum leej cov ntsuj duab ntsuj hlau, muaj tug seev li yees mus rau raum rooj raum ntsa, mus rau saum kwv saum tij, saum neej saum tsav, saum mab saum suav, mus zov luag rooj dej rooj cawv lawm los hmo no coj
qaib coj qe tuaj thaiv tes thaiv taw ces cia li sawv tsees rov hlo los rau hauv vaj hauv tsev, los tau qaib los tau qe au!!.
Muaj tug ntsuj duab ntsuj hlaus mus qaug rau lub lav mob lav ntsaj, lub cawv xeeb cawv lav, qaug rau teeb txhoj tim fwv, kev qaug dag qaug zog, kev ntshaus ceg ntshaus raws lawm los, kuv tsuas coj qaib
tuaj thaiv tes coj qe tuaj thaiv taw ces cia li sawv tsees rov hlo los rau hauv vaj los rau hauv tsev, los tau qaib tau qe, los tau vaj tau tsev, los nrog ncej cub nyob sib puag ntub, los nrog ncej txos sib puag pw.

Muaj leeg seev lis yees kev mus nrhiav niam kab mus nrhiav txiv, nrhiav kwv nrhiav tij, nrhiav viv nrhiav ncaus. Hmo no lub yaj ceeb tshuav zoo niam zoo txiv, coj qaib coj qe tuaj hu ces kuv ib tse nees nkaum leej cov ntsuj duab ntsuj hlaus cia li sawv tsees rov hlo los mus kib vaj los kib loog, los tau qaib
tau qe, los nyob dej dawb txhuv huv, txheej nyeej vam sawm dawb hau nris caug, ib txhiab tsis kom muaj mob ib txhis tsis kom nroo nkeeg au!!.

Muaj tug seev li yees mus kev mus ua nkauj, kab mus ua nraug, kab mus ua luag nyab kev mus ua luag sev lawm los, lub yaj ceeb tshuav zoo niam zoo txiv, coj qaib coj qe tuaj ces cia li sawv tsees rov hlo los rau hauv vaj, rais hlo los rau hauv tsev. Los nyob ua luag xeev txwj, los nyob ua xeev laus, los zaum luag hauv rooj, hais luag hauv lus, los noj luag hauv nqaij, los hauv luag hau cawv, los nyob ua txwj los zaum ua luag laus lau!!.

Muaj leeg seev li yees mus rau luag chaw mus nquam paj chaw mus nquam nruas, kev mus ntos tsuj, kab mus ntos npuag, luag chaw mus kav kiab kav khwv, mus rau luag chaw mus rag nyuj chaw mus rag nees, chaw qhau tsiaj chaw qhau txhuv lawm los, kuv tsuas coj qaib coj qe tuaj hu ces cia li sawv tsees rov hlo los tau qaib tau qe, los tau zoo vaj zoo tsev, los tau zoo txaj mus zoo chaw. Los nyob ua luag txwj los zaum ua luag laus au!!.

Muaj leeg seev li yees mus haus ntxwj sib nyoog pas dej iab pas dej daw, mus rau ntxwj sib nyoog chawtev qij tev dos lawm los lub yaj ceeb tshuav zoo niam lub yaj ntug tshuav zoo txiv, coj qaib coj qe tuaj hu ces ces cia li sawv tsees rov hlo los rau hauv vaj los rau hauv tsev, los tau niam tau txiv, tau kwv tau tij, tau viv tau ncaus los au!!.

Kuv ib tse nees nkaum leej cov ntsuj duab ntsuj hlaus, muaj tug mus thawj ua kaum ob haiv neeg, pub thawj los tsuas, ua neej saum yaj ceeb no lawm los coj qaib coj qe tuaj hu ces cia li sawv tsees rov hlo los. Muaj tug mus thawj ua kaum ob haiv tsiaj txhu lawm los coj qaib coj qe tuaj hu ces cia li sawv tsees
rov hlo los. Muaj tus mus thawj ua kaum ob haiv xyoob ntoo ua neej nyob saum yaj ntug no lawm los, coj qaib coj qe tuaj hu ces cia li sawv tsees rov hlo los. Muaj leeg mus thawj ua kaum ob hauv dej av, pob zeb pob cav lawm los kuv tsuav muaj qaib muaj qe tuaj hu ces cia li sawv tsees rov hlo los. Muaj leeg mus thawj ua kaum ob haiv qoob loo lawm los coj qaib coj qe tuaj hu ces cia li sawv tsees rov hlo
los rau hauv vaj rais hlo los rau hauv tsev, los nyob ua luag txwj, los zaum ua luag laus, los nyob dej dawb txhuv huv.

Kuv ib tse nees nkaum leej cov me plig nyiaj plig kub seev yees mus rau nraum rooj nraum ntsa, mus rau saum kwv saum tij, saum mab saum suav lawm los coj qaib coj qe tuaj hu, txhob tu siab cia li sawv tsees rov hlo los rau hauv vaj hauv tsev, los rau saum txaj saum chaw au!!.

Kuv ib tse nees nkaum leej cov me plig tsiaj plig txhuv seev li yees mus rau raum toj raum pes, liaj dav, tsov plis muaj lawm los txhob tu siab, los rau saum kwv saum tij, saum mab saum suav lawm los coj qaib coj qe tuaj hu ces cia li sawv tsees rov hlo los rau hauv vaj hauv tsev.

Kuv hu no niam los niam coj txiv, txiv los txiv coj tub coj kiv, coj me plig nyiaj plig kub, plig qoob plig loo rov los rau hauv vaj rais hlo los rau hauv tsev, los nyob ua xeem txwj, los nyob ua xeev laus. Xyoo tshiab tawm li plaws, dej tshiab kom tau noj, qav tshiab kom tau haus, tawg paj kom tau coj, txi txiv koj tau noj. Los txog nraum rooj ces txhob los puab rooj los txog nraum tsa txhob los puab tsha, yaj kuam qhib rooj lug los rau hauv vaj, yeeb kuam qhib qhib rooj lug los rau hauv tsev. * Muab tus kuam los
ntaus, yog ob sab qhib ces yog nws qhib rooj lug los lawm ces mam rov hais dua tia: Yaj kuam pov li nkaus rau hauv vaj, yeeb kuam pov li nkaus rau hauv tsev. *Mam rov muab tus kuam tau dua ib teg, yog ob sab khwb lawm ces yog nws pov tau lawm.
*Yog tus kuam tsis qhib los yog tsis khwb li no los yus muaj tswv yim li cas los hu tag zog kom los thiab ntau kuam tag zog kom los xwb ces tau lawm.

Thaum hu plig tag, nqa lub ntim txhuv qe coj mus tso rau pem ntug qhov txos los yog ntug cub. Muab
cov xyab los txhos rau ntawm tug cub. Mam muab ib tug xyab coj los ncwm ob tug qaib li nram no:

Si ov, neb ob tug qaib no kuv ib tsev nees nkaum leej cov ntsuj duab seev li yees mus rau cuaj caum ciav
kab yim caum ciav kev lawm los neb ncauj mus nqee li qawv kuv tse nees nkaum leej cov ntsuj plig
kom sawv los lis zawv, neb ncauj mus nqee li qho kom kuv ib tse nees nkaum leej cov ntsuj plig sawv li
hlo. Kom taub hau los kaj liag, qhov muag los puv ntoob, nplaig los nkhaus li nyuj kub, ko taw kom kav
li nkaus cov ntsuj duab ntsuj hlaus rau hauv tsev nawb.

Hu plig tag zaum ib, muab ob tug qaib los ncwm tag, muab tua, vom kom siav siav, muab cov qe hau
kom siav thiab mam muab rov los hu zaum ob li nram no:

Hu Plig Zaum Ob:

*Muab ib qhov mov, cov qe thiab ob tug qaib los tso hauv lus phaj, thiab ib co xyab hlawv kom kub los
rau ntawm cov qe thiab ob tug qaib. Muab qaib no los tso rau ntawm qhov rooj tag mam rov pib hu plig
li nram no:

Ua hnub no yog hnub dawb, hmo no yog hmo huv. Hnub no yog hnub zoo, hmo no yogh mo zoo. Hnub
no yog lawm zaj tso hnub, hmo no yog lawm zaj tso hmo. Kuv tsis hu sab mob sab ntsaj, luag ncauj luag
nplaig, luag plaub luag ntug, luag xaiv luag lus. Hmo no yog tsiab peb caug hmo ntuj tuaj ces kuv hu
kuv ib tse nees nkaum leej cov ntsuj duab ntsuj hlaus. Muaj tug seev li yees mus rau raum rooj nraum
ntsa, mus rau saum kwv saum tij, saum neej saum tsav, saum mab saum suav lawm los kuv ua nqaij ua
hno xws txiv plauj tos, xws txiv li nra hu ces cia li rov hlo los rau hauv vaj rais hlo los rau hauv tsev, los
tau qaij tau hno au!!.

Muaj tug me ntsuj duab ntsuj hlaus qaug li yees mus rau lub lav mob lav ntsaj, qaug lis yees rau lub
cawv xeeb cawv lav lawm los niam txiv ua nqaij ua hno xws li txiv plauj txiv nra hu ces sawv tsees rov
hlo los rau. Los tau nqaij tau hno, los rau hauv vaj hauv tsev, los nrog ncej cub sib puag ntub, los nrog
ncej txos sib puag pw, los nyob ua txwj zaum ua luag laus au!!.

Muaj leeg seev li yees kev mus nrhiav niam, kev mus nrhiav txiv, mus nrhiav kwv nrhiav tij, nrhiav viv
nrhiav ncaus lawm los, lub yaj ceeb tseem tshuav zoo niam, lub yaj ntug tseem tshuav zoo txiv. Ua nqaij
ua hno xws li txiv plauj txiv lis nra hu ces cia li sawv tsees rov hlo los rau, los tau nqaij tau hno, los tau
vaj tau tse, tau zoo txaj tau zoo chaw, los nyob dej dawb txhuv huv au!!!.

Muaj leeg seev li yees kab mus ua nkauj, kev mus ua nraug, kab mus ua luag nyab luag sev lawm los lub
yaj cee tshuav zoo naim lub yaj ntug tshuav zoo txiv, ua nqaij ua hno xws txiv plauj txiv li nra hu ces cia
li sawv tsees rov hlo los rau, los tau qaij tau hno, noj tsis nco txob haus tsis nco txhawj, noj tsis kawg
kub, hauv tsis kawg tsis, noj kav ib txhiab haus kav ib txhis, los tau zoo kwv zoo tij au!!.

Muaj tug seev li yees mus haus ntxwj sib nyoog pas dej iab pas dej daw, mus rau ntxwj sib nyoog chaw
tev qij tev dos lawm los, lub yaj ceeb tshuav zoo niam lub yaj ntug tshuav zoo txiv, ua nqaij ua hnob
xws txiv plauj txiv li nra hu ces cia li sawv tsees rov hlos los, los tau vaj tau tsev, tau txaj tau chaw, los
nrog ncej cub ua kwv tij los nrog ncej txos ua viv ncaus, los nyob ua luag txwj zaum ua luag lau au!!.

Kuv hu kuv ib tsev nees nkaum leej cov ntsuj duab ntsuj hlaus, muaj tug seev li yees mus thawj ua kaum
ob haiv neev, mus thawj ua kaum ob haiv tsiaj txhu, mus thawj ua kaum ob haiv xyoob ntoo, mus thawj
ua kaum ob haiv qoob loo, mus thawj ua kaum ob haiv ntses nuj ntse niag lawm los, saum lub yaj ceeb
tshuav zoo niam zoo txiv, ua nqaij ua hno xws txiv plauj txiv li nra hu ces cia li sawv tsees rov hlo los
tau nqaij tau hno, los tau vaj tau tsev, tau zoo txaj tau zoo chaw, los nyob ua luag txwj, los zaum ua luag
laus au!!.

Kuv ib tse nees nkaum leej cov me plig nyiaj plig kub seev li yees mus rau saum kwv saum tij, mus
saum neej saum tsa, mus saum mab saum suav lawm los, saum lub yaj ceeb tshuav zoo niam saum lub
yaj ntug tshuav zoo txiv. Ua nqaij ua hno ua hno xws txiv plauj li nra hu ces cia li sawv tsees rov hlo los
rau hauv vaj rais hlo los rau hauv tsev, los rau saum txaj, los rau saum chaw. Yaj kuam txhawb, yeeb
kuam tsa, yaj kuam npuj roog li daws txhawb, yeeb kuam npuj roog li daws tsa qhib kev lug los rau
hauv vaj hauv tsev. * Ntau ib kuam, yog ob sab kuam qhib tib si ces yog los lawm. Mam rov hais tias:

Yaj kuam pov li nkaus cov ntsuj duab ntsuj hlaus rau hauv vaj hauv tsev. *Mam rov ntaus dua ib kuam
ntxiv, yog ob sab kuam khwb tag nrho lawm ces yog pov tau lawm. Yog ntaus kuam tsis qhib thiab tsis
khwb li ces rov hu dua raws li yus muaj tswv yim ntxiv ces rov ntaus dua kom qhib los yog khwb xwb.

Hu tag li no ces nqa cov qaib qe mus rau pem qhov cub los yog qhov txos. Muab ob tug qaib los saib ko
taw, taub hau, qhov muag thiab tus nplaig. Tus nkauj yog txiv neej tus, tus lau yog poj niam tus.

Saib Taw Qaib: Yog peb tug ntiv taw qaib sib puab ntom ntom thiab sib txig zos xwb ces yog xyoo
ntawv yus tsev neeg mus tsis tau kev deb xwb. Yog ntiv sab hauv tsa siab dua ntiv sab raud lawm no ces
yog yus sawv siab tshaj luag lawm ces zoo heev xwb. Yog ntiv sab nraud tsa siab dua ntiv sab hauv
lawm no ces yog luag sawv siab dua yus lawm, ua dab tsis los yuav tau xyuam xim tsam muaj teeb mem
xwb. Yog cov ntiv taw nrha ris xwb no ces yog yus tsev neeg yuav tsis sib haum thiab yuav tau sib
ncaim mus kev deb xwb. Los yog yus thiab luag yuav tau sib txav deb.

Saib Taub Hau Qaib: Yog ob daim txhib tau hau dawb paug xwb ces yog zoo heev li tsis muaj teeb
meem. Yog ob daim txhib taub suv dub nciab no ces yog muaj sub ntau xwb. Yuav tau ua neeb saib
thiab kho cov sub rau xwb ces tau lawm. Yog ho muaj tej twb tee liab pes vog xwb no ces ho yog zoo
heev, yuav khwv tau nyiaj tau kub heev los.

Saib Qhov Muag Qaib: Yog ob lub qhov muag puv ntoob tsis mlhos li ces yog zoo heev lawm. Yog
mlhos tag lawm no ces yog tsis zoo. Yuav muaj kev mob nkeeg los yog nyuaj siab thiab khwv dab tsis
los tsis tau li lub siab xav. Yog mlhos ib sab tshuav ib sab no ces yog yuav muaj kev tsis zoo ntawv tus
poj niam los yog tus txiv neej. Saib nws mlhos txiv neej sab los poj niam sab. Sab laug yog txiv neej
sab, sab xis yog poj niam sab.

Saib Nplaig Qaib: Yog tus nplaig nkhaus rov los rau hauv lawm ces yog suav daws cov plig los lawm.
Yog tsis nkhaus rov los rau hauv ces yog plig tsis tau los vim nws tu siab me ntsis lawm xwb. Yuav tau
nqee nqee rau kom los xwb ces tau lawm.

Hnub Xiab Ib Sawv Ntxov:

Hnub xiab ib sawv ntxov thaum tsis tau pom kev los yog thaum qaib qua thawj tsig xwb yuav tau sawv
los mus huas dej tshiab, pub npua, pub qaib, thiab sawv ntxov los ua noj yuav npaj zam tshiab rau cov
hluas mus dhia qaib.

Hu Plig Khi Tes:

Cheb Tes Ua Plig: ( Khi Tes, Nov yog ib nqe rau thaum muaj kev khi tes lawm xwb).

Cheb: Uav hnub no yog hnub dawb hmo no yog hmo huv, hnub no yog zaj tso hnub, hmo no yog zaj

tso hmo. Hnub no yog nom tswv hnub hmo no yog nom tswv hmo. Kuv cheb no kuv tsis cheb nws plig
niam plig txiv, plig tub plig kiv, plig nyiaj plig kub, plig qoob plig loo, plig tsiaj plig txhuv, ntawv nyiaj
keeb puaj txwm, ntaub noj ntawv haus.

Kuv cheb nws kaum ob haiv mob kaum ob haiv ntsaj, kua muab iab kua muag daw, hleb rag hleb rawg,
sab mob sab nkeeg, kws txaij kwv nraug, hmab dawm tes hlua dawm taw mus rau hluav taws kom hluav
taws kub, mus rau dej kom dej tshoob mus lawm zaj qho, kom ntsej tsis hnov muag tsis pom ntag lau!!.

Tav: Uav kuv tav nws plig niam plig txiv plig tub plig kiv, plig nyiaj plig kub, plig tsiaj plig txhuv, plig

qoob plig loo, nws rooj nqaij rooj hno rov qab los rau nws kom nws noj ib txhiab tsis kawg kub, haus ib
txhis tsis kawg ntsis, kom noj tsis tshaib hauv tsis qhis, noj mus kav ib txhiab haus mus kav ib txhis
lau!!.

*Kev khi tes qhov yooj yim ces yog li no xwb. Yog yus txawj es hais tau ntau los los yaj yam zoo xwb.

Npws Laig Cov Laus:

*Nov yog npws poj npws yawm, los yog yus niam yus txiv, yus tsev thiab ib tsoom kwv tij uas tau tso
suav daws tseg lawm. Txog ib lub xyoo tshiab yus tua qaib tua npua noj yuav tau npws laig lawv kom
tau nrog yus noj yus haus li nram qab no: Yog yus niam yus txiv tag sim neej lawm ces laig li no, yog
tsis tau tag ces yus laig yus pog yus yawg ua ntej los tau.

Niaj nob os kuv txiv thiab kuv niam os/yawg thiab pogo s, tsiab peb caug hmo ntuj tuaj, kuv tua tsiaj tua
txhuv los ua me tub me nyuam plig, kuv ua nqaij ua hno siav, yuav noj yuav haus, yuav xub npws xub
laig txog koj ncauj koj lo os, sib cog los nrog noj, sib cog los nrog haus. Noj xub ntis mob, haus xub ntis
ntsaj, noj ntis kua muag iab kua muag daws, hleb rag hleb rhawg, nra zeb nra hlau, kws txaij kws nraug,
ntsuj puam tais lais nyag huv tib si mus rau ntxwj nyoog cuaj ntshuas kev sis txws. Ciav ntsuj ciav mam,
nrog thaiv nab thaiv qav, thaiv sub tawg sub ntshav, thaiv hniav taus hniav txuas, thaiv luag plaub luag
ntug huv tib sis mus rau nraum toj nraum pes. Kuv ib tsev nees nkaum leej mus ua qoob ua loo tsis pub
muaj hmab dawm tes hlua dawm taw, qab siab li npo mus ua tau noj tau haus, yuav npws yuav laig koj
laus ncauj koj laus lo, li tau noj tau haus no nes. * Laig cov qub lus xwb hais kom txhua cov neeg xwb.

Txheej Txheem Laig Dab Tsiab Peb Caug Pib Laig Li Nram No:

Hnub Xiab Ib (1) Laig Nqaij Mov Li No:

Niaj nob os, kuv niam (txiv, pog, yawg) os, tsiab peb caug xiab ib (1) tuaj, kuv ua nqaij ua hno siav yuav
noj yuav haus, yuav xub npws xub laig txog koj ncauj koj lo os, sib cog los nrog noj, sib cog los nrog
haus. Noj xub ntis mob, haus xub ntis ntsaj, noj ntis kua muag iab kua muag daws, hleb rag hleb rhawg,
nra zeb nra hlau, kws txaij kws nraug, ntsuj puam tais lais nyag huv tib si mus rau ntxwj nyoog cuaj
ntshuas kev sis txws. Ciav ntsuj ciav mam, nrog thaiv nab thaiv qav, thaiv sub tawg sub ntshav, thaiv
hniav taus hniav txuas, thaiv luag plaub luag ntug huv tib sis mus rau nraum toj nraum pes. Kuv ib tsev
nees nkaum leej mus ua qoob ua loo tsis pub muaj hmab dawm tes hlua dawm taw, qab siab li npo mus
ua tau noj tau haus, yuav npws yuav laig koj laus ncauj koj laus lo, li tau noj tau haus no nes.

Hnub Xiab Ob (2) Laig Nqaij Mov Li No:

Niaj nob os, kuv niam (txiv, pog, yawg) os, tsiab peb caug xiab ob (2) tuaj, ua nqaij ua hno siav yuav
noj yuav haus, yuav xub npws xub laig txog koj ncauj koj lo os, sib cog los nrog noj, sib cog los nrog
haus. Noj xub ntis mob, haus xub ntis ntsaj, noj ntis kua muag iab kua muag daws, hleb rag hleb rhawg,
nra zeb nra hlau, kws txaij kws nraug, ntsuj puam tais lais nyag huv tib si mus rau ntxwj nyoog cuaj
ntshuas kev sis txws. Ciav ntsuj ciav mam, nrog thaiv nab thaiv qav, thaiv sub tawg sub ntshav, thaiv
hniav taus hniav txuas, thaiv luag plaub luag ntug huv tib sis mus rau nraum toj nraum pes. Kuv ib tsev
nees nkaum leej mus ua qoob ua loo tsis pub muaj hmab dawm tes hlua dawm taw, qab siab li npo mus
ua tau noj tau haus, yuav npws yuav laig koj laus ncauj koj laus lo, li tau noj tau haus no nes.

Hnub Xiab Peb (3) Laig Dej Cawv Ua Ntej, Lub Ncuav, Nqaij Mov Li No:

*Yog hnub tu dab moo.

Laig Dej Cawv Ua Ntej:

Niaj nob os, kuv niam (txiv, pog, yawg) os, tsiab peb caug xiab peb (3) tuaj, yuav rau dej rau cawv rau
koj haus, yuav xub npws xub laig txog koj ncauj koj lo os, sib cog los nrog noj, sib cog los nrog haus.

Noj xub ntis mob, haus xub ntis ntsaj, noj ntis kua muag iab kua muag daws, hleb rag hleb rhawg, nra
zeb nra hlau, kws txaij kws nraug, ntsuj puam tais lais nyag huv tib si mus rau ntxwj nyoog cuaj ntshuas
kev sis txws. Ciav ntsuj ciav mam, nrog thaiv nab thaiv qav, thaiv sub tawg sub ntshav, thaiv hniav taus
hniav txuas, thaiv luag plaub luag ntug huv tib sis mus rau nraum toj nraum pes. Kuv ib tsev nees nkaum
leej mus ua qoob ua loo tsis pub muaj hmab dawm tes hlua dawm taw, qab siab li npo mus ua tau noj
tau haus, yuav npws yuav laig koj laus ncauj koj laus lo, li tau noj tau haus no nes.

Laig Lub Ncuav: Cia li muab tes de lub ncuav los laig lawm xwb.

Niaj nob os, kuv niam (txiv, pog, yawg) os, tsiab peb caug xiab peb (3) tuaj, ua ncuav nplej ncuav
nplaum siav os, yuav xub npws xub laig txog koj ncauj koj lo os, sib cog los nrog noj, sib cog los nrog
haus. Noj xub ntis mob, haus xub ntis ntsaj, noj ntis kua muag iab kua muag daws, hleb rag hleb rhawg,
nra zeb nra hlau, kws txaij kws nraug, ntsuj puam tais lais nyag huv tib si mus rau ntxwj nyoog cuaj
ntshuas kev sis txws. Ciav ntsuj ciav mam, nrog thaiv nab thaiv qav, thaiv sub tawg sub ntshav, thaiv
hniav taus hniav txuas, thaiv luag plaub luag ntug huv tib sis mus rau nraum toj nraum pes. Kuv ib tsev
nees nkaum leej mus ua qoob ua loo tsis pub muaj hmab dawm tes hlua dawm taw, qab siab li npo mus
ua tau noj tau haus, yuav npws yuav laig koj laus ncauj koj laus lo, li tau noj tau haus no nes.

Laig Nqaij Mov:

*Muab cov kav nqeeb pav ib pob lost so rau haum cov mov.

Niaj nob os, kuv niam (txiv, pog, yawg) os, tsiab peb caug xiab peb (3) tuaj, ua nqaij ua hno siav yuav
noj yuav haus, yuav xub npws xub laig txog koj ncauj koj lo os, sib cog los nrog noj, sib cog los nrog
haus. Noj xub ntis mob, haus xub ntis ntsaj, noj ntis kua muag iab kua muag daws, hleb rag hleb rhawg,
nra zeb nra hlau, kws txaij kws nraug, ntsuj puam tais lais nyag huv tib si mus rau ntxwj nyoog cuaj
ntshuas kev sis txws. Ciav ntsuj ciav mam, nrog thaiv nab thaiv qav, thaiv sub tawg sub ntshav, thaiv
hniav taus hniav txuas, thaiv luag plaub luag ntug huv tib sis mus rau nraum toj nraum pes. Kuv ib tsev
nees nkaum leej mus ua qoob ua loo tsis pub muaj hmab dawm tes hlua dawm taw, qab siab li npo mus
ua tau noj tau haus, yuav npws yuav laig koj laus ncauj koj laus lo, li tau noj tau haus no nes.

*Laig tag ces mam muab cov kav nqeeb mus hlawv pov tseg lawm xwb.

*Thaum yus muaj ib pluag noj zoo li nram no nco ntsoov hu (laig) tej laus los nrog yus noj.

1. Noj Tsiab Peb Caug.
2. Yuav nyab los yog qua ntxhais.
3. Hu plig khi tes, tis npe laus los yog tej pluas loj tua npua tua nyuj noj.
4. Pob kwv tshiab thiab mov nplej tshiab siav.
Yog koj ua pluas mov dab tsi noj, ces koj nco ntsoov laig hais txog yam ntawv xwb thiaj yog.