Thaj Neeb Thib Sub

Peb ua thaj neeb thib sub no mas vim yog thaum peb ua neej nyob tej poj niam yug tub yug kiv tsis tau es tuag, muaj cov mus ua noj ua haus luaj teb ntov ntoo raug xyoob ntoo ntaus tuag, muaj cov noj yeeb noj tshuaj tuag, mus ua tsov ua rog tuag thiab lwm yam tuag phem. Yog li cov tuag no thiaj mus vij sub vij sw aiv rau poj koob yawm txawv, poj koob yawm txwv muab cov sub tsuas no phau rov los raug rau yus tsev neeg kom cov tom qab raug mob li lawv thiab. Yog li peb thiaj yuav tau ua thaj neeb thib sub no mus daws cov vij sub vij sw no kom txhob los raug rau yus tsev neeg. ib xyoo twg yuav tau ua ib thaj neeb daws ntawm yus ib cuab zeej kev tij viv ncaus tus hlob tus yau xa cov sub xa mus kom dhau cuaj txheej txwv maj yim txeej txwv mos chaw, kom cov poj koob yawm txwv lawv tes taw sib kha lawv thiaj tsis nphau cov sub tsuas rov los rau tom qab. Yog li no, ua ntej suav daws yuav mus ua liaj ua teb thiab ua ntej xob yuab nroo, peb thiaj li ua thaj neeb no kom tiav. Suav daws thiaj tso siab thiab tau kev noj qab nyob zoo li lub siab xav nrog lub xyoo tshiab mus luag txhis rau qhov zoo