Hnub no yog lub tim 2/17/2024-2/19/2024,

Peb tsev UYFO kuj tau muaj ib txoj kev tu siab ua peb tau npam ib tug neeg zoo hauv peb tsev neeg mus lawm. Allen Neng Yang yog peb ib tug kwvtij, txiv ntxawm, tub, los sis yawg zoo nyob rau peb tsev neeg xeem yaj no.
Ua ntej no thov ua tsaug rau peb ib tsoom kwv tij neej tsa sawv daw ua tseem tuaj nrog peb tsev xyom cuab nta dab nta qua thiab. Peb tsev xyom cuab yuav nco nej tus txiaj ntsig mus tsis tag tsis kawg os mog.

Hnub no tim 2/11/2024, Peb kooshaum United Yaj Family Organization tuaj saib Ntxuab Pov thiab nws Poj Niam.

Nyob zoo Xyoo Tshiab rau peb tsev neeg UYFO thiab ib tsoom kwv tij sawv daw.

Hnub no yog tim 2 lub 12 hli ntuj xyoo 2023. Peb cov tuav koos haum zoo siab uas nej cov ua niam ua txiv, kwv tij neej tsa tsis hais tus loj tus me uas nej tseem muab nej lub sij hawm muaj nqi tuaj koom rau peb hnub no thiab.

Peb tsis muaj dab tsi rau nej tsuas yog muaj ib lo lus ua tsaug thiab thov foom kom lub xyoo tshiab yuav los no nej khwv dab tsi los kom tau li siab xav, thiab ua dab tsi los kom tsaus muaj yeej xwb nawb...

Hnub Tim 29th lub 4 hli ntuj, UYFO tau ua ib lub koob tsheej nrhiav nyiaj los pab lub koo haum. Peb thov ua tsaug ntau ntau rau cov sponsors uas tuaj pab peb nyob rau hnub no thiab.

​Peb vam thiab cia siab tias nej yuav tuaj txhawm peb rau lawm yav tom ntej thiab. Tsis tag li ntawv xwb, thov nej kuj txhob ua siab deb thiab yog tias nej xav tau kev pab dab tsi. Peb UYFO yuav pab nej li nej pab peb thiab.

Ua tej tshaj plaw, thov ua tsaug rau peb cov niam tsev thiab txiv tsev uas rau siab thiab muab nej lub dag lub zog tuaj pab peb rau lub picnic thiab camping hnub no. Tsis tag li xwb kuj thov hais ua tsaug rau tsoom niam thiab txiv, cov kwj tij viv ncaus sawv daw nrog rau peb cov coj ntawm lub koos haum thiab.

Yeej vim yog muaj kab mob tau ob lub xyoo no lawm ces peb thiaj tsis muaj lub picnic los tau muaj ob xyoo no lawm. Xyoo no kuj yog ib xyoo zoo uas peb cov kwv tij tau rov tuaj ua si ua ke dua. 

Thov kom peb cov kwv tij tsuas txawj sib hlub sib pab thiab muaj vam mus rau tom ntej xwb. Ua dab tsi los kom tau raw li lub siab xav.
Vam thiab cia siab tias lwm xyoo peb yuav rov tau sib ntsib dua rau lub picnic 2023.

​

Address: ​Sarah Creek Group Camp, Greenfield, MN 55373

Nyob zoo txog peb ib tsoom niam txiv kwv tij sawv dawm.
Hnub no yog lub 3 hlis ntus tim 26 xyoo 2022, peb cov board members tau sib ntsib nrog rau Yang Wameng cov boards nyob rau Unison thaum 11 moo sawv ntxov txog rau 3 moo tav su. Nyob rau hauv qhov meeting zaum no, peb kuj tau tham ntau lub Topics xws li muaj: Peb xav li cas rau Yang Wameng? Yang Wameng yuav tsum ua li cas es peb tsev xeem Yang no thiaj yuav muaj kev sib ntseeg siab ntau tuaj? thiab lwm lwm yam ntxiv. Qhov tseem ceeb tshaj nyob rau rooj sib tham zaum no ces yog Yang Wameng lawv xav kom peb los koom tes thiab los pab ua ib lub zog txhawb rau koohaum Yang Wameng es kom txij no lawm tov kom peb tsuas noj ib lub Peb Caug lawm xwb.
       Txog rau thaum kawg ntawm hnub no, peb kuj tseem muab tsis tau tau ib los lus tias peb yuav kos daim ntawv cog lus rau lawv tias peb yuav noj ib lub Peb Caug nrog Yang Wameng lawm xwb. 

Ua tsaug ntau.
​