Kev Mus Fi Xov Muaj Raws li Nram No
Yog sib yuav ntsiag to, thaum tus tub coj tau tus nyab los txog tsev muab lwm qaib tas ces yuav tau tso ob tug tub mus fi xov rau niam txiv tog ntxhais kom niam txiv txhob nrhiav tus ntxhais. Qhia luag hais tias yus tus tub yuav lawm thiab nws nyob muaj chaw lawm.
Yog tshoob zawj no ces thaum mej koob los yog tus mus laj tshoob laj kos mus hais es niam txiv tom ub muab tshoob kiag lawm ces ob tus mej koob nyeej ib teg ntaug thaum muab cov nyiaj tus niam tus txiv nrog cov nyiaj fi xov rau niam txiv thaum ntawd lawm.
Yuav tsum coj tus nyab los lwm qaib tag mas mam mus fi xov. Txawm nyob deb nyob ze los ua li ntawv thiaj yog. Yog tus tub lam mus fi xov ua ntej es tsis tau lwm qaib ces niam txiv paub, lawv tuaj coj lawv tus ntxhais rov qab lawm los tsis txhaum dab qhuas. Yog yus lwm qaib tag lawm ces luag tsis zoo tuaj coj rov qab lawm.
Npaj Mus Fi Xov Li Nram Qab No:
Hais txog tus kev cai fi xov no mas tsis hais hmoob nyob teb chaws twg los sawv daws yeej mus ua zoo tib yam nkaus.
Npaj ib qhov nyiaj qhwv hauv ib txoj siv ceeb yog lub xov rau niam rau txiv.
Npaj ib txws (pob) luam yeeb.Kev mus fi xov yog mus luag lub qhov rooj tag mus xwb.
Thaum yus mus txog nraum zoov ces yuav tau mus hu luag tias: Nej puas nyob hauv tsev os! Yog luag teb tias peb nyob thiab os. No ces luag mam hu yus mus tsev. Tej zaum mas luag cov xav nrhiav tswv yim koj yus yuam kev mas luag tseem ua txoj hais tias kom yus mus sab tom qhov rooj txuas mus, tab sis yus yuav tsum kom luag los qhib lub qhov rooj tag xwb.Yog luag hu yus mus tsev, yuav tsum nco ntsoov nug saib luag puas caiv.
Luag hu yus tias neb tuaj lov!:
Yus teb tias, aws wb tuaj os, ua li nej puas caiv ne yom?Luag teb tias,
peb tsis cai os, los tsev maj yuad! No ces yus mam mus hauv luag tsev tau.
Thaum mus txog hauv tsev, yog leej txiv tsis nyob lawm, nyob hauv tsev los tsis muaj ib tug txiv neej paub nyob hauv tsev li no ces yus kom lawv tsev neeg mus hu ib tug txiv hlob los puas txiv ntxawm tuaj sawv cev uas tus txiv tsev.Yog tus txiv tsev nyob hauv tsev thiab no ces yus tsis zaum li yus cia li coj luam yeeb mus tsab rau tus txiv tsev tias:
Txais kab yeeb saib yuad.Luag yuav yig tias: Tau lawm mas, muaj lus dab tsi ces cia li hais xwb tau lawm.
Yus nco ntsoov txhob rau luag tsis txhob muab thim rov qab li. Ua kom luag txais xwb thiaj yog.
Luag txais kiag ces luag hais tias: Khwv koj laiv yuad.
Tsab rau txiv tas ces ho rov cev dua ib kab hais tias:Txais kab no rau niam txiv thiab yuadTsab rau niam txiv tas, yus ho tsab ob peb kab tom qab ntxiv rau niam hlob txiv hlob, niam ntxawm txiv ntxawm, nus tij nus kwv, nrog rau cov txiv neej txhua tus tuaj hauv tsev. Hos yog yus tsis tsab rau cov ntawd los kuj tsis txaum dab tsi thiab.Tsab luam yeeb rau tus txiv tsev txais tas ces mam li zaum, hos tsis zaum los cia li sawv xwb.
Thaum ntawd mam li ua nriav lus hais rau tus txiv tsev tias: Kuv tuaj no ces yog tuaj rau ib xo rau koj paub. Yog vim yawg …npe….. tus tub npe hu ua …npe…. tau tuaj coj koj tus ntxhais hu ua .. npe..mus lawm, ua li mas neb tsis txhob txawj, tsis txhob nrhiav mog. Yog neb yuav nrhiav los neb ho mus nrhiav lawm tom tus tub tsev. Luag hais tias cuag li yuav dua neb siab ntsws me ntsis los neb ua lub siab ntev thiab os mog. Qhov no ces hais rau niam rau txiv, kom niam txiv ho nrhiav ob tug nyuag tub ntsuas dej ntsuas txhuv tos, nws coj mus 3 hnub ces nws mam li ho coj rov tuaj saib niam saib txiv.
Hais li no tas ces cev kiag txoj siv ceeb uas qhwv ($20) nraus las nyiaj yog lub xo, ib puas ($100) nraus las ua lub qe rau niam, ib puas ($100) nraus las ua lub qe rau txiv, rau cauj ($60) nraus las ntaus txhuv tsis pom qab faib hno rau ib tsoom niam hlob txiv hlob, niam ntxawm txiv ntxawm, nus tij nus kwv.Hais txog nyiaj fi xov ces saib nej nyob lub teb chaws twg, muab raws lub teb chaws ntawv tus kaj xwb.Muab cev kiag rau tus txiv tsev los yog tus tuaj txais lub xov tias ces hais ob peb los ntxiv tias, qhov no ces tsis yog dab tsi, yog ib txoj nyuag xo tuaj rau niam txiv paub xwb, koj ho muab txais tseg yuas.
Tus txiv tsev txais lawm ces yus sawv mus rau tom tag tig xub ntiag rau pem hauv plag yus mam pe raws li no:
1.Khwv txiv os mog, cuag li yua dua niam txiv siab niam txiv ntsws me ntsis los thov niam txiv ho ua lub siab ntev thiab mog -Pe niam txiv tas ces ho pe poj koob yawm koob.-Pe poj koob yawm koob tas ces ho pe niam hlob txiv hlob
.2. Khwv niam hlob txiv hlob mog, cuag li yuav dua niam hlob txiv hlob siab ntsws los thov ua lub siab ntev thiab mog.
- Pe niam hlob txiv hlobtas ces ho pe niam ntxawm txiv ntxawm.
3. Khwv niam ntxawm txiv ntxawm mog, cuag li yuav dua niam ntxawm txiv ntxawm siab ntsws los thov ua lub siab ntev thiab mog.
-Pe niam ntxawm txiv ntxawm tas ces ho pe nus tij nus kwv.
4. Khwv ib tsoom nus tij nus kwv mog, cuag li yuav dua ib tsoom nus tij nus kwv siab ntsws los ua lub siab nteb thiab mog.
Thaum fi xov es yus pe mas tus txiv tsev yuav txum yim tsa hais tias:Sawv lau mog, peb niag ntxhais phem phem dab tuag los kom nws ho txawj yuav ces ho txawj hlub thiab no mog. Los puas hais li no kuj tau, sawv lauj mog, xyuam tsis nyog koj lub laj khwv lauj mog.Pe luag tas ces yus xav zaum nrog luag tham ub tham no ib pliag mam mus tsev los tau.
Hos yog yus tsis nyob nrog luag tham los yus cia li ceeb toom luag hais tias:Nej nyob os mog, wb maj thiab ces wb mus lawm. Lawv yuav cheem yus tias. Nyob me ntsis tso mam li mus maj yuad. Yog li ces tuaj txog qhuav xwb las. Yog li ces mus koj ho tuaj mog.Yus cia li tawm nram qhov rooj tag rov los tsev xwb.
Piav me ntsis txog cov nyiaj fi xov yav thaum ub dhau los law.Cov nyiaj uas luag muab qhwv rau hauv txoj siv ceeb coj mus fi xov mas nyob ntawm tej lub teb chaws coj raws li nyias teb chaws sib kev fi xov ua kam li ntawd los ces yuav tau ua li ntawv xwb. Xws li qee lub teb chaws mas luag muab 5 maj txiag.Qee lub teb chaws mas luag muab 2 maj.Qee lub teb chaws mas luag muab 1 maj los puas 5 npib.Yog tej lub teb chaws nom tswv txiav lub txhooj tshoob tsis pub muab nyiaj fi xov no ces tsis muab nyiaj li, cia li mus tsab luam yeeb thiab muab txoj siv ceeb nkaus xwb.Tiam tsi nyob li niam no yuav xyuas raws li lub teb chaws yus nyob ntawm ua li cas yus yuav tau ua li ntawm kom haum luag txoj cai kab tshoob kev kos xwb.Kev fi xov ces tag li no xwb. Yog thaum tus fi xov ntawv ho mus fi tsis meej tsis pem los thaum mus xaus tshoob yus ob tug mej koob mam mus nug thiab luag mam nto tuaj. Txaus thov los thov, txaus kho los mam kho tom qab los tau.
kev npaj thov mej koob
Yog tshoob zawj no ces thaum mej koob los yog tus mus laj tshoob laj kos mus hais es niam txiv tom ub muab tshoob kiag lawm ces ob tus mej koob nyeej ib teg ntaug thaum muab cov nyiaj tus niam tus txiv nrog cov nyiaj fi xov rau niam txiv thaum ntawd lawm.
Yuav tsum coj tus nyab los lwm qaib tag mas mam mus fi xov. Txawm nyob deb nyob ze los ua li ntawv thiaj yog. Yog tus tub lam mus fi xov ua ntej es tsis tau lwm qaib ces niam txiv paub, lawv tuaj coj lawv tus ntxhais rov qab lawm los tsis txhaum dab qhuas. Yog yus lwm qaib tag lawm ces luag tsis zoo tuaj coj rov qab lawm.
Npaj Mus Fi Xov Li Nram Qab No:
Hais txog tus kev cai fi xov no mas tsis hais hmoob nyob teb chaws twg los sawv daws yeej mus ua zoo tib yam nkaus.
Npaj ib qhov nyiaj qhwv hauv ib txoj siv ceeb yog lub xov rau niam rau txiv.
Npaj ib txws (pob) luam yeeb.Kev mus fi xov yog mus luag lub qhov rooj tag mus xwb.
Thaum yus mus txog nraum zoov ces yuav tau mus hu luag tias: Nej puas nyob hauv tsev os! Yog luag teb tias peb nyob thiab os. No ces luag mam hu yus mus tsev. Tej zaum mas luag cov xav nrhiav tswv yim koj yus yuam kev mas luag tseem ua txoj hais tias kom yus mus sab tom qhov rooj txuas mus, tab sis yus yuav tsum kom luag los qhib lub qhov rooj tag xwb.Yog luag hu yus mus tsev, yuav tsum nco ntsoov nug saib luag puas caiv.
Luag hu yus tias neb tuaj lov!:
Yus teb tias, aws wb tuaj os, ua li nej puas caiv ne yom?Luag teb tias,
peb tsis cai os, los tsev maj yuad! No ces yus mam mus hauv luag tsev tau.
Thaum mus txog hauv tsev, yog leej txiv tsis nyob lawm, nyob hauv tsev los tsis muaj ib tug txiv neej paub nyob hauv tsev li no ces yus kom lawv tsev neeg mus hu ib tug txiv hlob los puas txiv ntxawm tuaj sawv cev uas tus txiv tsev.Yog tus txiv tsev nyob hauv tsev thiab no ces yus tsis zaum li yus cia li coj luam yeeb mus tsab rau tus txiv tsev tias:
Txais kab yeeb saib yuad.Luag yuav yig tias: Tau lawm mas, muaj lus dab tsi ces cia li hais xwb tau lawm.
Yus nco ntsoov txhob rau luag tsis txhob muab thim rov qab li. Ua kom luag txais xwb thiaj yog.
Luag txais kiag ces luag hais tias: Khwv koj laiv yuad.
Tsab rau txiv tas ces ho rov cev dua ib kab hais tias:Txais kab no rau niam txiv thiab yuadTsab rau niam txiv tas, yus ho tsab ob peb kab tom qab ntxiv rau niam hlob txiv hlob, niam ntxawm txiv ntxawm, nus tij nus kwv, nrog rau cov txiv neej txhua tus tuaj hauv tsev. Hos yog yus tsis tsab rau cov ntawd los kuj tsis txaum dab tsi thiab.Tsab luam yeeb rau tus txiv tsev txais tas ces mam li zaum, hos tsis zaum los cia li sawv xwb.
Thaum ntawd mam li ua nriav lus hais rau tus txiv tsev tias: Kuv tuaj no ces yog tuaj rau ib xo rau koj paub. Yog vim yawg …npe….. tus tub npe hu ua …npe…. tau tuaj coj koj tus ntxhais hu ua .. npe..mus lawm, ua li mas neb tsis txhob txawj, tsis txhob nrhiav mog. Yog neb yuav nrhiav los neb ho mus nrhiav lawm tom tus tub tsev. Luag hais tias cuag li yuav dua neb siab ntsws me ntsis los neb ua lub siab ntev thiab os mog. Qhov no ces hais rau niam rau txiv, kom niam txiv ho nrhiav ob tug nyuag tub ntsuas dej ntsuas txhuv tos, nws coj mus 3 hnub ces nws mam li ho coj rov tuaj saib niam saib txiv.
Hais li no tas ces cev kiag txoj siv ceeb uas qhwv ($20) nraus las nyiaj yog lub xo, ib puas ($100) nraus las ua lub qe rau niam, ib puas ($100) nraus las ua lub qe rau txiv, rau cauj ($60) nraus las ntaus txhuv tsis pom qab faib hno rau ib tsoom niam hlob txiv hlob, niam ntxawm txiv ntxawm, nus tij nus kwv.Hais txog nyiaj fi xov ces saib nej nyob lub teb chaws twg, muab raws lub teb chaws ntawv tus kaj xwb.Muab cev kiag rau tus txiv tsev los yog tus tuaj txais lub xov tias ces hais ob peb los ntxiv tias, qhov no ces tsis yog dab tsi, yog ib txoj nyuag xo tuaj rau niam txiv paub xwb, koj ho muab txais tseg yuas.
Tus txiv tsev txais lawm ces yus sawv mus rau tom tag tig xub ntiag rau pem hauv plag yus mam pe raws li no:
1.Khwv txiv os mog, cuag li yua dua niam txiv siab niam txiv ntsws me ntsis los thov niam txiv ho ua lub siab ntev thiab mog -Pe niam txiv tas ces ho pe poj koob yawm koob.-Pe poj koob yawm koob tas ces ho pe niam hlob txiv hlob
.2. Khwv niam hlob txiv hlob mog, cuag li yuav dua niam hlob txiv hlob siab ntsws los thov ua lub siab ntev thiab mog.
- Pe niam hlob txiv hlobtas ces ho pe niam ntxawm txiv ntxawm.
3. Khwv niam ntxawm txiv ntxawm mog, cuag li yuav dua niam ntxawm txiv ntxawm siab ntsws los thov ua lub siab ntev thiab mog.
-Pe niam ntxawm txiv ntxawm tas ces ho pe nus tij nus kwv.
4. Khwv ib tsoom nus tij nus kwv mog, cuag li yuav dua ib tsoom nus tij nus kwv siab ntsws los ua lub siab nteb thiab mog.
Thaum fi xov es yus pe mas tus txiv tsev yuav txum yim tsa hais tias:Sawv lau mog, peb niag ntxhais phem phem dab tuag los kom nws ho txawj yuav ces ho txawj hlub thiab no mog. Los puas hais li no kuj tau, sawv lauj mog, xyuam tsis nyog koj lub laj khwv lauj mog.Pe luag tas ces yus xav zaum nrog luag tham ub tham no ib pliag mam mus tsev los tau.
Hos yog yus tsis nyob nrog luag tham los yus cia li ceeb toom luag hais tias:Nej nyob os mog, wb maj thiab ces wb mus lawm. Lawv yuav cheem yus tias. Nyob me ntsis tso mam li mus maj yuad. Yog li ces tuaj txog qhuav xwb las. Yog li ces mus koj ho tuaj mog.Yus cia li tawm nram qhov rooj tag rov los tsev xwb.
Piav me ntsis txog cov nyiaj fi xov yav thaum ub dhau los law.Cov nyiaj uas luag muab qhwv rau hauv txoj siv ceeb coj mus fi xov mas nyob ntawm tej lub teb chaws coj raws li nyias teb chaws sib kev fi xov ua kam li ntawd los ces yuav tau ua li ntawv xwb. Xws li qee lub teb chaws mas luag muab 5 maj txiag.Qee lub teb chaws mas luag muab 2 maj.Qee lub teb chaws mas luag muab 1 maj los puas 5 npib.Yog tej lub teb chaws nom tswv txiav lub txhooj tshoob tsis pub muab nyiaj fi xov no ces tsis muab nyiaj li, cia li mus tsab luam yeeb thiab muab txoj siv ceeb nkaus xwb.Tiam tsi nyob li niam no yuav xyuas raws li lub teb chaws yus nyob ntawm ua li cas yus yuav tau ua li ntawm kom haum luag txoj cai kab tshoob kev kos xwb.Kev fi xov ces tag li no xwb. Yog thaum tus fi xov ntawv ho mus fi tsis meej tsis pem los thaum mus xaus tshoob yus ob tug mej koob mam mus nug thiab luag mam nto tuaj. Txaus thov los thov, txaus kho los mam kho tom qab los tau.
kev npaj thov mej koob
