Qaib Cawv, Npua Cawv Thiab Nyuj Dab
Vim yus niam thiab txiv yog tus muab txoj sia, roj ntsha, tsim yus cev nqaij daim tawv, muab siab ntsws, muab dag zog rau yus, tu da quav da zis, muab caj npab los ua yus lub tog rau ncoo, muab ncej qab los ua yus lub tog zaum, noj ib dia pub ib dia rau yus noj, tu yus hlob, qhia yus hais nkwg mus txog rau thaum yus mus kawm txawj kawm ntse, cob qhia yus mus ua liaj ua teb, ua noj ua haus, hlub yus kom hlob tiav hlaub tiav ces, mam yuav poj yuav sev rau yus, pab kom yus muaj lub vaj lub tsev nyob, muaj me tub menyuam, thiab muaj lub neej nrog luag ua mam tso yus ua yus neej.
Yog li no tej tus niam txiv muaj txoj hmoo zoo nyob ntev tau tej tub lub dag lub zog noj, tej tus tsis muaj txoj hmoo tsis nyob ntev tsis tau tej tub ki lub dag lub zog noj, thaum tag txoj sia tus muaj txoj hmoo ces tau lub zoo ntees. Tus tsis muaj txoj hmoo ces tsis tau lub zoo ntees. Tej laus tuag mus lawm tus ntsuj plig txom nyem li cas los muaj, yog li ntawv luag thiaj ua huab ua cua, ua npau suav los rau cov tub tom qab kom ua nyuj dab thiab muab xyab ntawv mus rau tej laus tau muas noj tau siv.
Tus Nyuj Dab no yog cov tub thiaj ua xwb cov ntxhais tsis ua nawb.
Tus Qaib Cawv thiab Npua Cawv mas yog tej laus yuav los yuav tus nyuj dab es yus tseem ua lub neej nyob txom txom nyem es yus ua ob tug no thov tej laus kom lawv ncua me ntsi tso mus tu tau nyuj tso mam los ua nyuj dab rau. Yog li no thiaj xub ua ob tug no ua ntej mam ua tus nyuj dab tom qab.
Ceeb Tom: Peb tsev Hmoob Yaj 7 Txim no tus nyuj dab mas ua tsawg zaus los ua li yog hais tias tej laus yuav noj ces ua xwb. Tsis zoo li luag lwm pab es ua ib zaug ces tag ib sim neej.
Cov txheej lus saum toj no mas kuv tsuas qhia xwb tsis tau yog ib cov txheej txeem ua dab ua qhua. Yog leej twg yuav ua tus dab qhuas twg, tus ntawv yuav tau mus nrhiav tus dab qhuas ntawd hauv phau ntawv no los ua thiaj ntxaws. Yog nej leej twg saib phau ntawv no es ho tsis nkag siab qhov twg los yuav tau mus cuag cov paub ua dab qhuas ua ntej nej yuav ua.
Yog li no tej tus niam txiv muaj txoj hmoo zoo nyob ntev tau tej tub lub dag lub zog noj, tej tus tsis muaj txoj hmoo tsis nyob ntev tsis tau tej tub ki lub dag lub zog noj, thaum tag txoj sia tus muaj txoj hmoo ces tau lub zoo ntees. Tus tsis muaj txoj hmoo ces tsis tau lub zoo ntees. Tej laus tuag mus lawm tus ntsuj plig txom nyem li cas los muaj, yog li ntawv luag thiaj ua huab ua cua, ua npau suav los rau cov tub tom qab kom ua nyuj dab thiab muab xyab ntawv mus rau tej laus tau muas noj tau siv.
Tus Nyuj Dab no yog cov tub thiaj ua xwb cov ntxhais tsis ua nawb.
Tus Qaib Cawv thiab Npua Cawv mas yog tej laus yuav los yuav tus nyuj dab es yus tseem ua lub neej nyob txom txom nyem es yus ua ob tug no thov tej laus kom lawv ncua me ntsi tso mus tu tau nyuj tso mam los ua nyuj dab rau. Yog li no thiaj xub ua ob tug no ua ntej mam ua tus nyuj dab tom qab.
Ceeb Tom: Peb tsev Hmoob Yaj 7 Txim no tus nyuj dab mas ua tsawg zaus los ua li yog hais tias tej laus yuav noj ces ua xwb. Tsis zoo li luag lwm pab es ua ib zaug ces tag ib sim neej.
Cov txheej lus saum toj no mas kuv tsuas qhia xwb tsis tau yog ib cov txheej txeem ua dab ua qhua. Yog leej twg yuav ua tus dab qhuas twg, tus ntawv yuav tau mus nrhiav tus dab qhuas ntawd hauv phau ntawv no los ua thiaj ntxaws. Yog nej leej twg saib phau ntawv no es ho tsis nkag siab qhov twg los yuav tau mus cuag cov paub ua dab qhuas ua ntej nej yuav ua.
Nyuj Dab Sib Txawv
Peb tsev Hmoob Yaj thaum ub yog ib pab xwb, tiam sis tom qab no cov laus coj dab muab faib ua ob pab sib txawv lawm. Yeeb vim yog thaum ub tej laus nyob lub zos ntxhab ntxhab ces rau cov txim see roob lees thiaj tau 30 txim. Cov laus saib tsis zoo ces dev los muab ib co txim noj tag lawm. Cov laus thiaj mus thov muam phauj tuaj muab tsawm tseg. Thaum ntawv los thiaj ua ob pab los lawm xws li nram no:
Pab 1: Tseem ua peb caug (30) txim tiam sis muab lov los ua 3 leej lawm xwb. Ib leej twg muaj kaum (10) txim, 3 leej ces muaj 30 txim thiab peb (3) ntsau rau pem qab xwb.
Peb yog pab 1 uas tseem ua tus nyuj dab peb caug txim peb ntsau, tseg tes taw taub haus tuav nrog daim tawv khi rau ntawm tus tswg. Dab qhaus ntxhee mam tshem tau.
Pab 2: Yog cov ua kaum peb (13) txim peb ntsau lawm xwb. Yog cov muab tes taws taub hau los nce txim. Cov no yog pawg hloov dab qhuas txawv lawm.
Peb yog pab 1 uas tseem ua tus nyuj dab peb caug txim peb ntsau, tseg tes taw taub haus tuav nrog daim tawv khi rau ntawm tus tswg. Dab qhaus ntxhee mam tshem tau.
Pab 2: Yog cov ua kaum peb (13) txim peb ntsau lawm xwb. Yog cov muab tes taws taub hau los nce txim. Cov no yog pawg hloov dab qhuas txawv lawm.
