Kev Hu Plig
Hu plig yog peb hmoob ib qho kab li kev cai uas peb yeej ib txwm ua los tau ntau pua xyoo no lawm. Kev hu plig yog peb yuav ua rau thaum uas peb muaj ib tug neeg noj tsis qab pw tsis sov es tau ceeb tau ntsai lawm. Peb thiaj tau hu plig kom nws tus plig rov qab los puab cev. Dhau ntawv lawm peb kuj hu plig yog tias tau ntau lub xyoo lawm es tsis tau hu plig. Tsis tag li xwb, peb yuav hu plig txhua txhua xyoo thaum ua dab pebcaug.
Vim li ntawv lawm, kev hu plig no thiaj pom tau tias yog ib qho tshwj xeeb thiab txhua txhua tus txiv tsev los sis niam tsev thiaj yuav tsum tau paub tias kev hu plig no yuav pib thiab xaus li cas. Nyob rau hauv qab no yuav qhia txog kev hu plig thaub pib txog thaum xaus rau peb sawv daw tau kawm ua ke.
Vim li ntawv lawm, kev hu plig no thiaj pom tau tias yog ib qho tshwj xeeb thiab txhua txhua tus txiv tsev los sis niam tsev thiaj yuav tsum tau paub tias kev hu plig no yuav pib thiab xaus li cas. Nyob rau hauv qab no yuav qhia txog kev hu plig thaub pib txog thaum xaus rau peb sawv daw tau kawm ua ke.
1. Npaj yuav hu plig:
|
|
2. Pib hu plig:
Ua ... hnub no yog hnub dawb, hmo no yog hmo huv .... hnub no yog hnub zoo... hmo no yog hmo zoo... hnub no yog zaj tso hnub... hmo no yog zaj tso hmo...
Kuv hu no kuv tsis hu sab mob sab ntsaj, tsis hu luag ncauj luag nplaig, luag plaub luag ntug, tsis hu luag xaiv luag lus.
Kuv hu (yog hu ib leeg xwb ces hai nws lub npe) tus ntsuj duab ntsuj hlau, muaj tug seev li yees mus rau raum rooj raum ntsa, mus rau saum kwv saum tij, saum neej saum tsav, saum mab saum suav, mus zov luag rooj dej rooj cawv lawm los hmo no coj
qaib coj qe tuaj thaiv tes thaiv taw ces cia li sawv tsees rov hlo los rau hauv vaj hauv tsev, los tau qaib los tau qe au!!....
(hu twg plig ces hais nws lub npe), ntsuj duab ntsuj hlaus mus qaug rau lub lav mob lav ntsaj, lub cawv xeeb cawv lav, qaug rau teeb txhoj tim fwv, kev qaug dag qaug zog, kev ntshaus ceg ntshaus raws lawm los, kuv tsuas coj qaib tuaj thaiv tes coj qe tuaj thaiv taw ces cia li sawv tsees rov hlo los rau hauv vaj los rau hauv tsev, los tau qaib tau qe, los tau vaj tau tsev, los nrog ncej cub nyob sib puag ntub, los nrog ncej txos sib puag pw ntag lau ....
(hu twg plig ces hais nws lub npe), seev lis yees kev mus nrhiav niam kab mus nrhiav txiv, nrhiav kwv nrhiav tij, nrhiav viv nrhiav ncaus. Hmo no lub yaj ceeb tshuav zoo niam zoo txiv, coj qaib coj qe tuaj hu ces kuv ib tse nees nkaum leej cov ntsuj duab ntsuj hlaus cia li sawv tsees rov hlo los mus kib vaj los kib loog, los tau qaib
tau qe, los nyob dej dawb txhuv huv, txheej nyeej vam sawm dawb hau nris caug, ib txhiab tsis kom muaj mob ib txhis tsis kom nroo nkeeg ntag lau!!.
(hu twg plig ces hais nws lub npe), seev li yees mus kev mus ua nkauj, kab mus ua nraug, kab mus ua luag nyab kev mus ua luag sev lawm los, lub yaj ceeb tshuav zoo niam zoo txiv, coj qaib coj qe tuaj ces cia li sawv tsees rov hlo los rau hauv vaj, rais hlo los rau hauv tsev. Los nyob ua luag xeev txwj, los nyob ua xeev laus, los zaum luag hauv rooj, hais luag hauv lus, los noj luag hauv nqaij, los hauv luag hau cawv, los nyob ua txwj los zaum ua luag laus lau!!.
(hu twg plig ces hais nws lub npe), seev li yees mus rau luag chaw mus nquam paj chaw mus nquam nruas, kev mus ntos tsuj, kab mus ntos npuag, luag chaw mus kav kiab kav khwv, mus rau luag chaw mus rag nyuj chaw mus rag nees, chaw qhau tsiaj chaw qhau txhuv lawm los, kuv tsuas coj qaib coj qe tuaj hu ces cia li sawv tsees rov hlo los tau qaib tau qe, los tau zoo vaj zoo tsev, los tau zoo txaj mus zoo chaw. Los nyob ua luag txwj los zaum ua luag laus au!!.
(hu twg plig ces hais nws lub npe), seev li yees mus haus ntxwj sib nyoog pas dej iab pas dej daw, mus rau ntxwj sib nyoog chawtev qij tev dos lawm los lub yaj ceeb tshuav zoo niam lub yaj ntug tshuav zoo txiv, coj qaib coj qe tuaj hu ces ces cia li sawv tsees rov hlo los rau hauv vaj los rau hauv tsev, los tau niam tau txiv, tau kwv tau tij, tau viv tau ncaus los au!!.
(hu twg plig ces hais nws lub npe) tus ntsuj duab ntsuj hlaus, mus thawj ua kaum ob haiv neeg, pub thawj los tsuas, ua neej saum yaj ceeb no lawm los coj qaib coj qe tuaj hu ces cia li sawv tsees rov hlo los. Mus thawj ua kaum ob haiv tsiaj txhu lawm los coj qaib coj qe tuaj hu ces cia li sawv tsees
rov hlo los. Mus thawj ua kaum ob haiv xyoob ntoo ua neej nyob saum yaj ntug no lawm los, coj qaib coj qe tuaj hu ces cia li sawv tsees rov hlo los. Mus thawj ua kaum ob hauv dej av, pob zeb pob cav lawm los kuv tsuav muaj qaib muaj qe tuaj hu ces cia li sawv tsees rov hlo los. Mus thawj ua kaum ob haiv qoob loo lawm los coj qaib coj qe tuaj hu ces cia li sawv tsees rov hlo los rau hauv vaj rais hlo los rau hauv tsev, los nyob ua luag txwj, los zaum ua luag laus, los nyob dej dawb txhuv huv.
(hu twg plig ces hais nws lub npe), tus ntsuj plig nyiaj plig kub seev yees mus rau nraum rooj nraum ntsa, mus rau saum kwv saum tij, saum mab saum suav lawm los coj qaib coj qe tuaj hu, txhob tu siab cia li sawv tsees rov hlo los rau hauv vaj hauv tsev, los rau saum txaj saum chaw au!!.
(hu twg plig ces hais nws lub npe), tus ntsuj plig tsiaj plig txhuv seev li yees mus rau raum toj raum pes, liaj dav, tsov plis muaj lawm los txhob tu siab, los rau saum kwv saum tij, saum mab saum suav lawm los coj qaib coj qe tuaj hu ces cia li sawv tsees rov hlo los rau hauv vaj hauv tsev.
Kuv hu no yog kuv hu, (hu twg plig ces hais nws lub npe), tus plig nyiaj plig kub, plig qoob plig loo rov los rau hauv vaj rais hlo los rau hauv tsev, los nyob luag txawj, los nyob luag ntxhi. Los txog nraum rooj ces txhob los puab rooj los txog nraum tsa txhob los puab tsha, yaj kuam qhib rooj lug los rau hauv vaj, yeeb kuam qhib qhib rooj lug los rau hauv tsev. *( Muab tus kuam losntaus, yog ob sab qhib ces yog nws qhib rooj lug los lawm) ces mam rov hais dua tia: Yaj kuam pov li nkaus rau hauv vaj, yeeb kuam pov li nkaus rau hauv tsev. *(Mam rov muab tus kuam ntau dua ib teg, yog ob sab khwb lawm ces yog nws pov tau lawm)
*Yog tus kuam tsis qhib los yog tsis khwb li no los yus muaj tswv yim li cas los hu tag zog kom los thiab ntau kuam tag zog kom los xwb ces tau lawm.
Thaum hu plig tag, nqa lub ntim txhuv qe coj mus tso rau pem ntug qhov txos los yog ntug cub. Muab cov xyab los txhos rau ntawm tug cub. Mam muab ib tug xyab coj los ncwm ob tug qaib li nram no:
Si ov, neb ob tug qaib no kuv ib tsev nees nkaum leej cov ntsuj duab seev li yees mus rau cuaj caum ciav kab yim caum ciav kev lawm los neb ncauj mus nqee li qawv kuv ib tse nees nkaum leej cov ntsuj plig kom sawv los lis zawv, neb ncauj mus nqee li qho kom kuv ib tse nees nkaum leej cov ntsuj plig sawv li hlo. Kom taub hau los kaj liag, qhov muag los puv ntoob, nplaig los nkhaus li nyuj kub, ko taw kom kav li nkaus cov ntsuj duab ntsuj hlaus rau hauv tsev nawb.
Hu plig tag zaum ib, muab ob tug qaib los ncwm tag, muab tua, vom kom siav siav, muab cov qe hau kom siav thiab mam muab rov los hu zaum ob li nram no:
Kuv hu no kuv tsis hu sab mob sab ntsaj, tsis hu luag ncauj luag nplaig, luag plaub luag ntug, tsis hu luag xaiv luag lus.
Kuv hu (yog hu ib leeg xwb ces hai nws lub npe) tus ntsuj duab ntsuj hlau, muaj tug seev li yees mus rau raum rooj raum ntsa, mus rau saum kwv saum tij, saum neej saum tsav, saum mab saum suav, mus zov luag rooj dej rooj cawv lawm los hmo no coj
qaib coj qe tuaj thaiv tes thaiv taw ces cia li sawv tsees rov hlo los rau hauv vaj hauv tsev, los tau qaib los tau qe au!!....
(hu twg plig ces hais nws lub npe), ntsuj duab ntsuj hlaus mus qaug rau lub lav mob lav ntsaj, lub cawv xeeb cawv lav, qaug rau teeb txhoj tim fwv, kev qaug dag qaug zog, kev ntshaus ceg ntshaus raws lawm los, kuv tsuas coj qaib tuaj thaiv tes coj qe tuaj thaiv taw ces cia li sawv tsees rov hlo los rau hauv vaj los rau hauv tsev, los tau qaib tau qe, los tau vaj tau tsev, los nrog ncej cub nyob sib puag ntub, los nrog ncej txos sib puag pw ntag lau ....
(hu twg plig ces hais nws lub npe), seev lis yees kev mus nrhiav niam kab mus nrhiav txiv, nrhiav kwv nrhiav tij, nrhiav viv nrhiav ncaus. Hmo no lub yaj ceeb tshuav zoo niam zoo txiv, coj qaib coj qe tuaj hu ces kuv ib tse nees nkaum leej cov ntsuj duab ntsuj hlaus cia li sawv tsees rov hlo los mus kib vaj los kib loog, los tau qaib
tau qe, los nyob dej dawb txhuv huv, txheej nyeej vam sawm dawb hau nris caug, ib txhiab tsis kom muaj mob ib txhis tsis kom nroo nkeeg ntag lau!!.
(hu twg plig ces hais nws lub npe), seev li yees mus kev mus ua nkauj, kab mus ua nraug, kab mus ua luag nyab kev mus ua luag sev lawm los, lub yaj ceeb tshuav zoo niam zoo txiv, coj qaib coj qe tuaj ces cia li sawv tsees rov hlo los rau hauv vaj, rais hlo los rau hauv tsev. Los nyob ua luag xeev txwj, los nyob ua xeev laus, los zaum luag hauv rooj, hais luag hauv lus, los noj luag hauv nqaij, los hauv luag hau cawv, los nyob ua txwj los zaum ua luag laus lau!!.
(hu twg plig ces hais nws lub npe), seev li yees mus rau luag chaw mus nquam paj chaw mus nquam nruas, kev mus ntos tsuj, kab mus ntos npuag, luag chaw mus kav kiab kav khwv, mus rau luag chaw mus rag nyuj chaw mus rag nees, chaw qhau tsiaj chaw qhau txhuv lawm los, kuv tsuas coj qaib coj qe tuaj hu ces cia li sawv tsees rov hlo los tau qaib tau qe, los tau zoo vaj zoo tsev, los tau zoo txaj mus zoo chaw. Los nyob ua luag txwj los zaum ua luag laus au!!.
(hu twg plig ces hais nws lub npe), seev li yees mus haus ntxwj sib nyoog pas dej iab pas dej daw, mus rau ntxwj sib nyoog chawtev qij tev dos lawm los lub yaj ceeb tshuav zoo niam lub yaj ntug tshuav zoo txiv, coj qaib coj qe tuaj hu ces ces cia li sawv tsees rov hlo los rau hauv vaj los rau hauv tsev, los tau niam tau txiv, tau kwv tau tij, tau viv tau ncaus los au!!.
(hu twg plig ces hais nws lub npe) tus ntsuj duab ntsuj hlaus, mus thawj ua kaum ob haiv neeg, pub thawj los tsuas, ua neej saum yaj ceeb no lawm los coj qaib coj qe tuaj hu ces cia li sawv tsees rov hlo los. Mus thawj ua kaum ob haiv tsiaj txhu lawm los coj qaib coj qe tuaj hu ces cia li sawv tsees
rov hlo los. Mus thawj ua kaum ob haiv xyoob ntoo ua neej nyob saum yaj ntug no lawm los, coj qaib coj qe tuaj hu ces cia li sawv tsees rov hlo los. Mus thawj ua kaum ob hauv dej av, pob zeb pob cav lawm los kuv tsuav muaj qaib muaj qe tuaj hu ces cia li sawv tsees rov hlo los. Mus thawj ua kaum ob haiv qoob loo lawm los coj qaib coj qe tuaj hu ces cia li sawv tsees rov hlo los rau hauv vaj rais hlo los rau hauv tsev, los nyob ua luag txwj, los zaum ua luag laus, los nyob dej dawb txhuv huv.
(hu twg plig ces hais nws lub npe), tus ntsuj plig nyiaj plig kub seev yees mus rau nraum rooj nraum ntsa, mus rau saum kwv saum tij, saum mab saum suav lawm los coj qaib coj qe tuaj hu, txhob tu siab cia li sawv tsees rov hlo los rau hauv vaj hauv tsev, los rau saum txaj saum chaw au!!.
(hu twg plig ces hais nws lub npe), tus ntsuj plig tsiaj plig txhuv seev li yees mus rau raum toj raum pes, liaj dav, tsov plis muaj lawm los txhob tu siab, los rau saum kwv saum tij, saum mab saum suav lawm los coj qaib coj qe tuaj hu ces cia li sawv tsees rov hlo los rau hauv vaj hauv tsev.
Kuv hu no yog kuv hu, (hu twg plig ces hais nws lub npe), tus plig nyiaj plig kub, plig qoob plig loo rov los rau hauv vaj rais hlo los rau hauv tsev, los nyob luag txawj, los nyob luag ntxhi. Los txog nraum rooj ces txhob los puab rooj los txog nraum tsa txhob los puab tsha, yaj kuam qhib rooj lug los rau hauv vaj, yeeb kuam qhib qhib rooj lug los rau hauv tsev. *( Muab tus kuam losntaus, yog ob sab qhib ces yog nws qhib rooj lug los lawm) ces mam rov hais dua tia: Yaj kuam pov li nkaus rau hauv vaj, yeeb kuam pov li nkaus rau hauv tsev. *(Mam rov muab tus kuam ntau dua ib teg, yog ob sab khwb lawm ces yog nws pov tau lawm)
*Yog tus kuam tsis qhib los yog tsis khwb li no los yus muaj tswv yim li cas los hu tag zog kom los thiab ntau kuam tag zog kom los xwb ces tau lawm.
Thaum hu plig tag, nqa lub ntim txhuv qe coj mus tso rau pem ntug qhov txos los yog ntug cub. Muab cov xyab los txhos rau ntawm tug cub. Mam muab ib tug xyab coj los ncwm ob tug qaib li nram no:
Si ov, neb ob tug qaib no kuv ib tsev nees nkaum leej cov ntsuj duab seev li yees mus rau cuaj caum ciav kab yim caum ciav kev lawm los neb ncauj mus nqee li qawv kuv ib tse nees nkaum leej cov ntsuj plig kom sawv los lis zawv, neb ncauj mus nqee li qho kom kuv ib tse nees nkaum leej cov ntsuj plig sawv li hlo. Kom taub hau los kaj liag, qhov muag los puv ntoob, nplaig los nkhaus li nyuj kub, ko taw kom kav li nkaus cov ntsuj duab ntsuj hlaus rau hauv tsev nawb.
Hu plig tag zaum ib, muab ob tug qaib los ncwm tag, muab tua, vom kom siav siav, muab cov qe hau kom siav thiab mam muab rov los hu zaum ob li nram no:
3. Hu Plig tom 2:
Muab ib qhov mov, cov qe thiab ob tug qaib los tso hauv lus phaj, thiab ib co xyab hlawv kom kub los rau ntawm cov qe thiab ob tug qaib. Muab qaib no los tso rau ntawm qhov rooj tag mam rov pib hu plig li nram no:
Ua hnub no yog hnub dawb... hmo no yog hmo huv... Hnub no yog hnub zoo, hmo no yog hmo zoo. Hnub no yog lawm zaj tso hnub, hmo no yog lawm zaj tso hmo. Kuv tsis hu sab mob sab ntsaj, luag ncauj luag nplaig, luag plaub luag ntug, luag xaiv luag lus. kuv hu, (hu twg plig ces hais nws lub npe), ntsuj duab ntsuj hlaus. (hu twg plig ces hais nws lub npe), seev li yees mus rau raum rooj nraum ntsa, mus rau saum kwv saum tij, saum neej saum tsav, saum mab saum suav lawm los kuv ua nqaij ua hno xws txiv plauj tos, xws txiv li nra hu ces cia li rov hlo los rau hauv vaj rais hlo los rau hauv tsev no lau ...
(hu twg plig ces hais nws lub npe), tus ntsuj duab ntsuj hlaus qaug li yees mus rau lub lav mob lav ntsaj, qaug lis yees rau lub cawv xeeb cawv lav lawm los niam txiv ua nqaij ua hno xws li txiv plauj txiv nra hu ces sawv tsees rov hlo los rau. Los tau nqaij tau hno, los rau hauv vaj hauv tsev, los nrog ncej cub sib puag ntub, los nrog ncej txos sib puag pw, los nyob ua txwj zaum ua luag laus au!!.
(hu twg plig ces hais nws lub npe), seev li yees kev mus nrhiav niam, kev mus nrhiav txiv, mus nrhiav kwv nrhiav tij, nrhiav viv nrhiav ncaus lawm los, lub yaj ceeb tseem tshuav zoo niam, lub yaj ntug tseem tshuav zoo txiv. Ua nqaij ua hno xws li txiv plauj txiv lis nra hu ces cia li sawv tsees rov hlo los rau, los tau nqaij tau hno, los tau vaj tau tse, tau zoo txaj tau zoo chaw, los nyob dej dawb txhuv huv au!!!.
(hu twg plig ces hais nws lub npe), seev li yees kab mus ua nkauj, kev mus ua nraug, kab mus ua luag nyab luag sev lawm los lub yaj cee tshuav zoo naim lub yaj ntug tshuav zoo txiv, ua nqaij ua hno xws txiv plauj txiv li nra hu ces cia li sawv tsees rov hlo los rau, los tau qaij tau hno, noj tsis nco txob haus tsis nco txhawj, noj tsis kawg kub, hauv tsis kawg tsis, noj kav ib txhiab haus kav ib txhis, los tau zoo kwv zoo tij au!!.
(hu twg plig ces hais nws lub npe), seev li yees mus haus ntxwj sib nyoog pas dej iab pas dej daw, mus rau ntxwj sib nyoog chaw tev qij tev dos lawm los, lub yaj ceeb tshuav zoo niam lub yaj ntug tshuav zoo txiv, ua nqaij ua hnob xws txiv plauj txiv li nra hu ces cia li sawv tsees rov hlos los, los tau vaj tau tsev, tau txaj tau chaw, los nrog ncej cub ua kwv tij los nrog ncej txos ua viv ncaus, los nyob ua luag txwj zaum ua luag lau au!!.
Kuv hu, (hu twg plig ces hais nws lub npe), tus ntsuj duab ntsuj hlaus, seev li yees mus thawj ua kaum ob haiv neev, mus thawj ua kaum ob haiv tsiaj txhu, mus thawj ua kaum ob haiv xyoob ntoo, mus thawj ua kaum ob haiv qoob loo, mus thawj ua kaum ob haiv ntses nuj ntse niag lawm los, saum lub yaj ceeb tshuav zoo niam zoo txiv, ua nqaij ua hno xws txiv plauj txiv li nra hu ces cia li sawv tsees rov hlo los tau nqaij tau hno, los tau vaj tau tsev, tau zoo txaj tau zoo chaw, los nyob ua luag txwj, los zaum ua luag laus au!!.
(hu twg plig ces hais nws lub npe), tus plig nyiaj plig kub seev li yees mus rau saum kwv saum tij, mus saum neej saum tsa, mus saum mab saum suav lawm los, saum lub yaj ceeb tshuav zoo niam saum lub yaj ntug tshuav zoo txiv. Ua nqaij ua hno xws txiv plauj li nra hu ces cia li sawv tsees rov hlo los rau hauv vaj rais hlo los rau hauv tsev, los rau saum txaj, los rau saum chaw. Yaj kuam txhawb, yeeb kuam tsa, yaj kuam npuj roog li daws txhawb, yeeb kuam npuj roog li daws tsa qhib kev lug los rau hauv vaj hauv tsev. * Ntau ib kuam, yog ob sab kuam qhib tib si ces yog los lawm. Mam rov hais tias:
Yaj kuam pov li nkaus cov ntsuj duab ntsuj hlaus rau hauv vaj hauv tsev. *Mam rov ntaus dua ib kuam ntxiv, yog ob sab kuam khwb tag nrho lawm ces yog pov tau lawm. Yog ntaus kuam tsis qhib thiab tsis khwb li ces rov hu dua raws li yus muaj tswv yim ntxiv ces rov ntaus dua kom qhib los yog khwb xwb.
Hu tag li no ces nqa cov qaib qe mus rau pem qhov cub los yog qhov txos. Muab ob tug qaib los saib ko taw, taub hau, qhov muag thiab tus nplaig. Tus nkauj yog txiv neej tus, tus lau yog poj niam tus.
Ua hnub no yog hnub dawb... hmo no yog hmo huv... Hnub no yog hnub zoo, hmo no yog hmo zoo. Hnub no yog lawm zaj tso hnub, hmo no yog lawm zaj tso hmo. Kuv tsis hu sab mob sab ntsaj, luag ncauj luag nplaig, luag plaub luag ntug, luag xaiv luag lus. kuv hu, (hu twg plig ces hais nws lub npe), ntsuj duab ntsuj hlaus. (hu twg plig ces hais nws lub npe), seev li yees mus rau raum rooj nraum ntsa, mus rau saum kwv saum tij, saum neej saum tsav, saum mab saum suav lawm los kuv ua nqaij ua hno xws txiv plauj tos, xws txiv li nra hu ces cia li rov hlo los rau hauv vaj rais hlo los rau hauv tsev no lau ...
(hu twg plig ces hais nws lub npe), tus ntsuj duab ntsuj hlaus qaug li yees mus rau lub lav mob lav ntsaj, qaug lis yees rau lub cawv xeeb cawv lav lawm los niam txiv ua nqaij ua hno xws li txiv plauj txiv nra hu ces sawv tsees rov hlo los rau. Los tau nqaij tau hno, los rau hauv vaj hauv tsev, los nrog ncej cub sib puag ntub, los nrog ncej txos sib puag pw, los nyob ua txwj zaum ua luag laus au!!.
(hu twg plig ces hais nws lub npe), seev li yees kev mus nrhiav niam, kev mus nrhiav txiv, mus nrhiav kwv nrhiav tij, nrhiav viv nrhiav ncaus lawm los, lub yaj ceeb tseem tshuav zoo niam, lub yaj ntug tseem tshuav zoo txiv. Ua nqaij ua hno xws li txiv plauj txiv lis nra hu ces cia li sawv tsees rov hlo los rau, los tau nqaij tau hno, los tau vaj tau tse, tau zoo txaj tau zoo chaw, los nyob dej dawb txhuv huv au!!!.
(hu twg plig ces hais nws lub npe), seev li yees kab mus ua nkauj, kev mus ua nraug, kab mus ua luag nyab luag sev lawm los lub yaj cee tshuav zoo naim lub yaj ntug tshuav zoo txiv, ua nqaij ua hno xws txiv plauj txiv li nra hu ces cia li sawv tsees rov hlo los rau, los tau qaij tau hno, noj tsis nco txob haus tsis nco txhawj, noj tsis kawg kub, hauv tsis kawg tsis, noj kav ib txhiab haus kav ib txhis, los tau zoo kwv zoo tij au!!.
(hu twg plig ces hais nws lub npe), seev li yees mus haus ntxwj sib nyoog pas dej iab pas dej daw, mus rau ntxwj sib nyoog chaw tev qij tev dos lawm los, lub yaj ceeb tshuav zoo niam lub yaj ntug tshuav zoo txiv, ua nqaij ua hnob xws txiv plauj txiv li nra hu ces cia li sawv tsees rov hlos los, los tau vaj tau tsev, tau txaj tau chaw, los nrog ncej cub ua kwv tij los nrog ncej txos ua viv ncaus, los nyob ua luag txwj zaum ua luag lau au!!.
Kuv hu, (hu twg plig ces hais nws lub npe), tus ntsuj duab ntsuj hlaus, seev li yees mus thawj ua kaum ob haiv neev, mus thawj ua kaum ob haiv tsiaj txhu, mus thawj ua kaum ob haiv xyoob ntoo, mus thawj ua kaum ob haiv qoob loo, mus thawj ua kaum ob haiv ntses nuj ntse niag lawm los, saum lub yaj ceeb tshuav zoo niam zoo txiv, ua nqaij ua hno xws txiv plauj txiv li nra hu ces cia li sawv tsees rov hlo los tau nqaij tau hno, los tau vaj tau tsev, tau zoo txaj tau zoo chaw, los nyob ua luag txwj, los zaum ua luag laus au!!.
(hu twg plig ces hais nws lub npe), tus plig nyiaj plig kub seev li yees mus rau saum kwv saum tij, mus saum neej saum tsa, mus saum mab saum suav lawm los, saum lub yaj ceeb tshuav zoo niam saum lub yaj ntug tshuav zoo txiv. Ua nqaij ua hno xws txiv plauj li nra hu ces cia li sawv tsees rov hlo los rau hauv vaj rais hlo los rau hauv tsev, los rau saum txaj, los rau saum chaw. Yaj kuam txhawb, yeeb kuam tsa, yaj kuam npuj roog li daws txhawb, yeeb kuam npuj roog li daws tsa qhib kev lug los rau hauv vaj hauv tsev. * Ntau ib kuam, yog ob sab kuam qhib tib si ces yog los lawm. Mam rov hais tias:
Yaj kuam pov li nkaus cov ntsuj duab ntsuj hlaus rau hauv vaj hauv tsev. *Mam rov ntaus dua ib kuam ntxiv, yog ob sab kuam khwb tag nrho lawm ces yog pov tau lawm. Yog ntaus kuam tsis qhib thiab tsis khwb li ces rov hu dua raws li yus muaj tswv yim ntxiv ces rov ntaus dua kom qhib los yog khwb xwb.
Hu tag li no ces nqa cov qaib qe mus rau pem qhov cub los yog qhov txos. Muab ob tug qaib los saib ko taw, taub hau, qhov muag thiab tus nplaig. Tus nkauj yog txiv neej tus, tus lau yog poj niam tus.
